गत आर्थिक बर्षको खुद नाफा नै एक अर्ब ४८ करोड कमाएर प्रगति गरेको बैंकले आफुमा गाभिएका बिराटलक्ष्मी र कन्ट्रीको स्वाप र सेयर प्रिमियम समेतको हिसाब गरी २९ प्रतिशत बोनस दिएर एक अर्ब ७८ करोड चुक्ता पूँजी थप्नसक्ने ढुक्कको अबस्था बनेको हो ।
प्राइम बैंकले बिराटलक्ष्मीका सेयरधनीलाई एक सय कित्ता बराबर ७५ कित्ता तथा कन्ट्रीका सेयरधनीलाई एक सय कित्ता बराबर प्राइमको ४० कित्ता सेयर दिएर खरिद गरेको हो ।
प्राईम बैंकको निक्षेप र कर्जा परिचालन उल्लेखनीय रुपमा बृद्धि भएको छ भने अन्य सबै सूचकहरु सकारात्मक देखिएका छन् । दुई वटा बिकास बैंकहरुलाई एक्विजिशन गर्दा पनि निस्क्रिय कर्जा ठूलो मात्रामा घटाउनसक्नुको ठूलो सफलता हो । ब्याज आम्दानी धेरै गरे पनि कोषको लागत दोब्बर बढ्न गई ब्याज खर्च धेरै तिर्नु परेका कारण खुद ब्याज आम्दानी धेरै देखाउन सकेन । सीडी रेसियो ७६ र स्प्रेड दर ३.४५ प्रतिशत मात्र रहेकाले उसले कर्जा परिचालनमा अरु प्रगति गर्नसक्छ ।
गत बर्ष ३० प्रतिशत हकप्रद, १७ प्रतिशत बोनस र बिकास बैंकहरुलाई विलय गराएर पूँजी बढाएको बैंकको प्रति सेयर आम्दानी भने सन्तलन हुन सकेन । तर र्यकिवटीमा प्रतिफलको अबस्था २०.६५ बाट १९.९६ प्रतिशत हुनुबाट पनि प्राईमबाट लगानीकर्ताले आशा गर्ने धेरै बलियो आधार छ ।
प्राईम बैंकको खुद नाफा मेरोलगानीले आँकलन गरेभन्दा दुई करोडले मात्र कम हो
मूल्य आम्दानी अनुपात १७.९६ गुणा मात्र रहेकाले उसको सेयर किन्नुमा धेरै जोखिम नरहेको देखाउँछ । प्राईमको राम्रो बित्तीय बिबरण आउने र आगामी साधारण सभामा दिने बोनसका आँकलन गरेर केही दिन यता उसको सेयर खरिदमा लगानीकर्ताहरुको चाप परेको प्रष्ट भएको छ ।
केही नदिने कम्पनीहरुको सेयर मूल्य उचालिएर किन्नु भन्दा प्राईम जस्तो राम्रो कम्पनीको सेयरमा लगानी गरी ढुक्कको प्रतिफल खानुमा नै आफ्नो हित छ भनी लगानीकर्ताले बनाएको सोचाई जायज ठहरिएको छ ।
