नेपाल बैंकले आफ्नो स्वामित्वमा रहेको डिप्रोक्सको संस्थापक र साधारण गरी झण्डै सवा आठ लाख कित्ता सेयर मध्येबाट बैंकले एक लाख ८० हजार तीन सय ७८ कित्ता साधारण सेयर मात्र बोलकबोलबाट बेच्न लागेको हो ।
इच्छुक आवेदकले बिक्री प्रबन्धक सिद्धार्थ क्यापिटल नक्सालबाट बुधबार कार्यालय समयभित्र न्यूनतम १०० कितादेखि अधिकतम १० ले भाग जाने गरि लिलामीमा आएका सबै कित्ताका लागि आवेदन दिन सक्नेछन् ।
लिलामी आवेदन गर्दा न्यूनतम मूल्य एक हजार २०० रुपैयाँ वा सोभन्दा बढी मूल्य राखेर शिलबन्दी बोलपत्र पेश गर्न सक्नेछन् । बोलपत्र असोज ६ गते शुक्रबार बिहान ७ बजे बिक्री प्रन्धकको कार्यालय नारायणचौर नक्सालमा खोलिने क्यापिटलले जनाएको छ ।
६० करोड ६१ लाख रुपैयाँ चुक्ता पूँजी रहेको डिप्रोक्सले गत आर्थिक वर्षमा २६ करोड २९ लाख रुपैयाँ खुद नाफा कमाएर प्रतिसेयर आम्दानी ४३ रुपैयाँ ३८ पैसा कायम गरेको छ । डिप्रोक्सको प्रतिकित्ता सेयरमूल्य एक हजार दुर्इ सय ८० रुपैयाँ हाराहारी रहेको छ ।
नेपाल बैंकले आफ्नो बित्तीय अबस्था सुदृढ पार्न बिगतमा नागरिक लगानी कोष, नेपाल ईन्स्योरेन्सको सेयर र बिभिन्न स्थानमा रहेका घरजग्गा बिक्री गरिसकेको छ । उसँग अझै धेरै कम्पनीको लाखौ कित्ता सेयर र देशका बिभिन्न ठाउँमा सयौं रोेपनी मूल्यवान जग्गा छन् ।
सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर
१२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य