गत वर्ष असोज महिनामा १७१ अर्ब ८० करोड रेमिट्यान्स भित्रिएको थियो । चालू आर्थिक बर्षमा बैदेशिक रोजगारीमा जाने कामदारहरूको संख्या घट्दो क्रममा भएपनि रेमिट्यान्स प्रबाहमा कमी नआउने अनुमान गरिएको छ । विगत बर्षको तथ्याङ्क हेर्दा भदौ महिनामा भित्रिने रेमिट्यान्स भन्दा असोज महिनामा आउने रेमिटयान्स करीब ५० प्रतिशतले बढी हुने गरेको पाइएको छ ।
यता, यो समयमा धेरै रेमिट्यान्स भित्रिने भएकाले रेमिट्यान्स कम्पनीहरूले पनि उपहारको ओहिरो लगाएका छन । ती कम्पनीहरूले पैसा पठाउने र पाउने दुबैलाई भाग्यशाली उपहार दिने घोषणा गरेका छन । आइएमई रेमिटले “आइएमइ छक्कापञ्जा अफर” राखेको छ भने प्रभु मनि ट्रान्सफरले “प्रभुसँग दशै, तिहार रछठको उमगं, हर्षले सबैजना दंग ” नामको योजना ल्याएको छ ।
यसैगरी सिटी एक्सप्रेस मनि ट्रान्सफरले पनि “उत्सव एक्सप्रेस ” योजना ल्याएको छ भने वेस्ट्रन यूनियनले पनि “सम्वन्धको उत्सव ” योजना ल्याएको छ । सवैका उपहार योजनामा नगद उपहार, टेलिभिजन,रेफ्रिजरेटर, क्यामेरा, घडीदेखि लिएर पोखरा मुक्तिनाथ हेलिकप्टर यात्राको टिकटसम्मको प्रलोभन देखाएका छन । यी उपहारमार्फत वैधानिक रूपमा रेमिट्यान्स पठाउन सर्वसाधरण प्रोत्साहित हुने कम्पनीहरूको भनाई छ ।
नेपाल राष्ट्र बैंकको तथ्याङ्क अनुसार गत आर्थिक वर्षमा रेमिट्यान्सबाट छ खर्व ९५ करोड राजस्व भित्रिएको थियो । नेपालमा ४९ वटा रेमिट्यान्स कम्पनीले कारोवार गर्ने गरेका छन् ।