समीक्षा अवधिमा बैंकको १४ करोड १२ लाखको चुक्ता पूँजी २६ करोड २१ लाख रुपैयाँमा पुगेको छ भने तीन करोड ३४ लाख रुपैयाँको जगेडा ११ करोड ६५ लाखमा पुगेको छ ।
बैकले निक्षेपको आकार सामान्य बढाएर एक अर्ब ७० करोड रुपैयाँ संकलन गरेको छ । बैंकको कर्जा लगानी एक अर्ब दुई करोडबाट एक अर्ब ३७ करोडमा गरेको देखिन्छ ।
तरलता संकटका कारण बैंकले निक्षेपमा धैरै व्याज तिर्दा समीक्षा अवधिमा व्याज खर्च झण्डै अढाई गुणा वृद्धि हुँदा खुद व्याज आम्दानी चार लाख रुपैयाँले घटेको पाइएको छ । त्यस्तै अन्य सञ्चालन आम्दानी ११ लाख ३३ हजारबाट दुई लाख ६९ हजारमा घट्नु र कर्मचारी खर्च र अन्य सञ्चालन खर्चको वृद्धि हुँदा खुद नाफा घटेर गएको देखिएको छ ।
बैकको निष्कृय कर्जा अनुपात कर्जा १.२५ बाट १.३९ प्रतिशतमा उक्लदा बैकले सम्भावित जोखिमको लागि गत बर्ष भन्दा १० लाख बढी कर्जा नाेक्सानी व्यवस्था गरेको छ ।
८० प्रतिशत हकप्रद जारीबाट पूँजी बढेर खुद नाफा घटेपछि बैंकको प्रतिसेयर आम्दानी ९ रुपैयाँ ६५ पैसाबाट एक रुपैयाँ ६८ पैसामा झरेको छ । उसको प्रतिसेयर नेटवर्थ १४४ रुपैयाँ ४५ पैसा र मूल्य आम्दानी अनुपात ११४.८८ गुणा बढी रहेको छ ।
