फेवासँग मर्जपछि बैंकको चुक्ता पूँजी एक अर्ब ८४ करोड ३९ लाख २६ हजार रुपैयाँ पुगेको छ । हकप्रद सेयर पश्चात वैकको चुक्ता पूँजी दुई अर्व ३० करोड रुपैयाँ पुग्नेछ ।
बैंकको शेयर निष्कासन तथा बिक्री प्रबन्धकमा प्रभु क्यापिटल रहेको छ ।
नेपाल राष्ट्र बैंकले तोके वमोजिम नपुग चुक्तापूँजी आर्थिक बर्ष ०७३/७४ सम्मको सञ्चित नाफाबाट बोनश सेयर जारी गरी पुर्याइने बैंकले जनाएको छ । ०७३/७४ सम्मको अपरिष्कृत वित्तीय विवरण अनुसार चुक्ता पूँजीको २३ प्रतिशत सम्म बोनस सेयर जारी गर्न सक्ने क्षमता रहेको बैंकले जनाएको छ ।
फेवा विकास बैंकसँग मर्ज भएको बैंकले चालु आर्थिक बर्षको पहिलो त्रैमाससम्ममा ५ करोड ३९ लाख खुद नाफा कमाएर प्रतिसेयर आम्दानी ११ रुपैयाँ ७० पैसा कायम गरेको छ ।
बैंकको जगेडा कोषमा ९८ लाख ८३ हजार सञ्चित छ । बैंकको प्रतिसेयर नेटवर्थ भने १५३ रुपैयाँ छ भने खराब कर्जा १.४० प्रतिशत छ ।