मेलामा सहभागिहरुले न्युनतम ब्याजदरमा कर्जाको सुविधा, ३७ लाख रुपैयाँमै अपार्टमेन्ट, ९५ लाखमा दूइ तले घर जस्ता आर्कषक योजनाहरु प्राप्त गर्न सकिने मेला आयोजकले बताएका छन् ।
नेपाल जग्गा तथा आवास विकास संघको आयोजना तथा एनआइसी एशिया बैंकको मुख्य प्रायोजनमा सञ्चालन भएको मेलामा विभिन्न क्षेत्रका करिब १२० स्टल रहेका छन् । मेलामा ८० भन्दा बढी स्वदेशी तथा विदेशी कम्पनीको सहभागिता छ । करिब दर्जन रियल इस्टेट डेभलपर तथा परामर्शदाता कम्पनीका साथै आधा दर्जन बैंक तथा वित्तीय संस्थाहरूको स्टल रहेका छन् ।
यस्तै, बीमा, निर्माण प्रविधि तथा सामग्रीहरू, सिमेन्ट, स्टील, इलेक्ट्रिकल, इन्जिनियरिङ, घर सजावट तथा फर्नि्सिङ, बाथ फिटिङ्स, पेन्ट्स इत्यादिसँग सम्बन्धित कम्पनीहरूले आफ्ना वस्तु तथा सेवा यो पटकको मेलामा प्रदर्शनी तथा विक्रीका लागि राखेका छन् ।
घरजग्गा मेला आवास तथा घडेरी विकासकर्ताका लागि आफ्नो ग्राहकसमक्ष तथा बजारलाई सूचना प्रवाह गर्ने एउटा विशेष महोत्सवको रुपमा रहेको दाबी आयोजकको छ । अवलोकनकर्ताहरूलाई मेलामा निःशुल्क प्रवेशको व्यवस्था गरेका छन् ।