कम्पनीले अंकित मूल्य १०० रुपैंयाको दरमा ६० लाख कित्ता सेयर सार्वसाधारणमा जारी गर्ने तयारीका क्रममा बिक्री प्रबन्धक नियुक्त गरेको हो । उक्त शेयर निष्काशन तथा विक्री प्रवन्ध गर्ने सम्झौतामा आइएमई लाईफका निमित्त महाप्रबन्धक दिनेश अमात्य र सिभिल क्यापिटलका निमित्त कार्यकारी प्रमुख सुमन आचार्यले हस्ताक्षर गरेका छन् ।
हाल आईएमई लाइफको चुक्ता पूँजी १ अर्व ४० करोड रुपैंया रहेको छ । सर्वसाधारणमा ६० करोड रुपैंयाको सेयर जारी गरे पश्चात कम्पनीको चुक्ता पूँजी २ अर्व रुपैंया कायम हुनेछ । त्यसै गरी संस्थापक शेयर स्वामित्व ७० प्रतिशत र सर्वसाधारणको शेयर स्वामित्व ३० प्रतिशत कायम हुनेछ ।