पच्चिस बाणिज्य बैंकले पुर्याए राष्ट्र बैंकले तोकेको चुक्ता पूँजी, कसको पुगेन ?

Jul 12, 2018 Merolagani

नेपाल राष्ट्र बैंकको निर्देशन अनुसार २५ वाणिज्य बैंकहरुले ८ अर्ब रुपैयाँ चुक्ता पूँजी पुर्याउन सफल भएका छन् । चालू आवको असार मसान्तसम्ममा बाँकी रहेका ३ वाणिज्य बैंकमध्ये २ वाणिज्य बैंक चुक्ता पूँजी पुर्याउने प्रकृयामा रहेको र एक बैंकको भने चुक्ता पूँजी नपुग्ने राष्ट्र बैंकले जनाएको छ ।

राष्ट्र बैंकले जनाएअनुसार नेपाल क्रेडिट एण्ड कमर्स बैंक (एनसीसी) को चुक्ता पूँजी नपुग्ने देखिएको हो भने बिओके र कुमारी बैंकले भने चालू आवको अन्त्यसम्म पुर्याउने अवस्थामा रहेका छन् ।

बैंक अफ काठमाण्डूको १३.२५ प्रतिशत बाेनसपश्चात हाल चुक्ता पूँजी ७ अर्ब ७ करोड रुपैयाँ रहेको छ । ८ अर्ब चुक्ता पूँजी पुर्याउन बैंकले ९३ करोड रुपैयाँ पूँजी बृद्धि गर्नुपर्ने देखिन्छ । यो रकम बैंकले यसअघि बिक्री गरेको संस्थापक सेयर लिलामीबाट प्राप्त प्रिमियम रकमबाट पुर्याउनसक्ने अवस्था रहेको छ । 

त्यसैगरि कुमारी बैंकले पनि हालकाे पूँजीबाट ८ अर्ब चुक्ता पूँजी पुर्याउन ८४ करोड रुपैयाँ पूँजी वृद्धि गर्नुपर्ने देखिन्छ । हाल ७ अर्ब १६ करोड रुपैयाँ चुक्ता पूँजी रहेको कुमारी बैंकले गत आर्थिक बर्षको नाफाबाट बोनस वितरण गरेर चुक्ता पूँजी पुर्याउन सक्ने अवस्था रहेपनि बैंकले हालसम्म बोनस घोषणा गरेको छैन । बैंकले बाेनस वितरण गरेर चुक्त्ता पूँजी कायम गर्ने याेजना राष्ट्र बैंकमा पेश गरिसकेकाे छ । 

यस्तै सबैभन्दा थोरै चुक्ता पूँजी रहेको नेपाल क्रेडिट एण्ड कमर्स बैंक (एनसीसी) ले ५० प्रतिशत हकप्रद शेयर निष्काशन गर्न धितोपत्र बोर्डबाट अनुमति पाइसकेको छ । दुर्इ अर्ब ३४ कराेडकाे हकप्रद जारी गर्दा समेत बैंकको चुक्ता पूँजी ७ अर्ब दुर्इ करोड रुपैयाँ पुग्नेछ । त्यसपछि पनि बैंकले ९८ करोड रुपैयाँ थप पूँजी वृद्धि गर्नुपर्ने हुन्छ । 

अन्य २५ बाणिज्य बैंकहरूले भने चुक्त्ता पूँजी पुर्याएका छन् । जनता, सानिमा, सिभिल, स्टाण्डर्ड चार्टर्ड, सिद्दार्थ, एनअार्इसी एशिया, सिटिजन, प्रार्इम कर्सियल, नेपाल, नबिल, नेपाल एसबिअार्इ, माछापुच्छ्रे, सेञ्चुरी कर्सियल, नेपाल बंगालादेश, हिमालयन, एभरेष्ट, सनरार्इज, लक्ष्मी, प्रभु बैंकले राष्ट्र बैंकले ताेकेकाे पूँजी कायम गरिसकेका छन् ।  

त्यसैगरि कृषि विकास, राष्ट्रिय बाणिज्य, एनएमबि, ग्लाेबल अाइएमर्इ, मेगा र नेपाल इन्भेष्टमेन्ट बैंकले राष्ट्र बैंकले ताेकेकाे पूँजीभन्दा बढी कायम गरेका छन् ।

 

 

राष्ट्र बैंकको तथ्याङ्क अनुसार चालु आर्थिक वर्षको जेठ मसान्तसम्ममा २८ वाणिज्य बैंकको कुल चुक्ता पूँजी २२७ अर्ब ८९ करोड रहेको छ । 

२०७२ असारमा वाणिज्य बैंकको संख्या ३० रहेकामा हाल २८ मा झरेको छ । राष्ट्र बैंकले वित्तीय क्षेत्रको सुदृढीकरणका लागि आर्थिक वर्ष २०७२/७३ देखि लिइएको मर्जरको नीति र चुक्ता पूँजी वृद्धि नीति लिएपछि १२१ संस्थाको इजाजत खारेज भएको छ ।

मर्जर तथा प्राप्ती प्रक्रियामा कुल १६२ वटा बैंक तथा वित्तीय संस्थाहरू सामेल भएका थिए । यसमध्ये १२१ वटा संस्थाको इजाजत खारेज हुन गई कुल ४१ संस्था कायम भएको केन्द्रीय बैंकले जनाएको छ ।

२०७४ साउनदेखि २०७५ असार २५ गतेसम्ममा वाणिज्य बैंकहरूले रु. ११५० अर्ब ५० करोड अन्तर–बैंक कारोबार गरेका छन्। २०७५ वैशाख मसान्तमा वाणिज्य बैंक, विकास बैंक र वित्त कम्पनीहरुमा रहेको निक्षेप खाता संख्या २ करोड २५ लाख तथा कर्जा खाता संख्या १२ लाख ८७ हजार पुगेको छ । एटीएम संख्या २६२४ रहेको छ ।

त्यसैगरी, मोबाइल बैंकिङ्गका ग्राहकहरुको संख्या ४० लाख, इन्टरनेट बैकिङ्गका ग्राहकहरुको संख्या ७ लाख ८४ हजार, जारी भएका डेबिट कार्डको संख्या ५२ लाख ३५ हजार तथा क्रेडिट कार्डको संख्या ९७ हजार रहेको छ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।