लघु बीमा प्रयोनजको लागि मात्रै कम्पनी स्थापनाको लागि बीमा प्राधिकरणले निर्धारण गरे बमोजिम चुक्ता पूँजी कायम हुनुपर्दछ । प्राधिकरणले समय समयमा बीमा कम्पनीहरुको चुक्ता पूँजी निर्धारण गर्न सक्नेछ । लघुबीमा कम्पनीको स्थापना, इजाजतपत्र तथा नवीकरण सम्बन्धी व्यवस्था समेत गरिएको छ ।
यसअघि प्रत्येक बीमा कम्पनीहरुले लघुबीमा व्यवसायमा अनिवार्य लगानी गर्नुपर्ने व्यवस्थालाई पनि निरन्तरता दिने भएको छ । सरकारले आर्थिक वर्ष २०७५/७६ को बजेट मार्फत पनि लघुबीमा कार्यक्रमलाई अनिवार्य गरिने घोषणा गरेको थियो ।
बीमा कम्पनीहरुले न्युन आय भएका वर्ग तथा पिछडिएको क्षेत्रलाई लक्षित गरी लघुबीमा कार्यक्रम संचालन गर्नुपर्नेछ । बीमकले लघुबीमा सम्बन्धी कार्य गर्ने अभिकर्ताको नियुत्त गर्दा अनिवार्य लिखित सम्झौता गर्नुपर्ने र बीमकले दाबीको दाबी योग्य रकम निश्चित अवधि भित्र भुक्तानी गर्नुपर्ने व्यवस्था रहेको छ ।
यस्तै बीमकले बार्षिक रुपमा आर्जन गरेको कुल बीमा शुल्कको ०.५ प्रतिशतका दरले हुन आउने रकम नियमन शुल्क बापत प्राधिकरणमा बुझाउनु पर्दछ ।