सेयर बजारमा अनलाइन कारोबार सुरुवात भएकै दिनदेखि राष्ट्र बैंकले मोबाइल तथा इन्टरनेट बैकिंङ्ग सेवाको सीमा बढाएपछि सेयर बजारका लगानीकर्तालाई सहज हुने भएको छ ।
राष्ट्र बैंकले इन्टरनेटको माध्यमबाट बैंक तथा वित्तीय संस्थाको खातामा ट्रान्सफर गर्दा एक पटकमा अधिकतमा एक लाख र मासिक रुपमा दश लाख रुपैयाँसम्म ट्रान्सफर कारोबार गर्न पाइने व्यवस्था गरेको छ ।
त्यस्तै क्रेडिट कार्डबाट नगद झिक्न पाउने सीमा २० प्रतिशतबाट २५ प्रतिशत पुर्याएको छ । प्रिपेड कार्ड जारी गर्दा एक पटकमा एक लाख रुपैयाँसम्म जारी गर्न पाइने छ। कार्डबाट बढीमा २५ हजार रुपैयाँ मात्र झिक्न पाइने व्यवस्था रहेको छ । डेबिट कार्डबाट एक पटकमा अधिकतम २५ हजार रुपैयाँ र दिनभरमा एक लाख रुपैयाँ मात्र झिक्न पाइने छ।
मोबाइल बैंकिङबाट एक पटकमा ५ हजार रुपैयाँ र दिनभरमा १५ हजार भुक्तानी गर्न पाइनेछ । इन्टरनेट बैंकिङ्गबाट दैनिक एक लाख रुपैयाँ तथा मासिक पाँच लाख रुपैयाँसम्म भूक्तानी गर्न पाइन्छ।
