अघिल्लो बर्षको यसै अवधिमा कम्पनीले ४९ करोड ९ लाख रुपैयाँ नाफा गरेको थियो। बैंकमा राखेको निक्षेप रकम र कर्जा प्रबाहको ब्याज आम्दानी बढेपछि कम्पनीको नाफा बढेको हो ।
जलविद्युत कम्पनीमा लगानी गर्न स्थापना भएको यस कम्पनीमा १४ अर्ब ५२ करोड रुपैयाँ नगद बैंकमा थुपारेको छ भने आयोजनाहरुमा एक अर्ब ३८ करोड लगानी गरेको छ ।
लगानी भन्दा ब्याज रकमबाट कमाउन ध्याउन्नमा देखिएको कम्पनीको एक बर्षको अवधिमा बैंक मौज्दात मात्रै ४ अर्ब ५९ करोडले बढेको छ । अघिल्लो बर्षको कम्पनीको बैंक मौज्दात ९ अर्ब ९२ करोड थियो ।
बैंकमा रकम जम्मा गरेर मात्रै कम्पनीले एक अर्ब १७ करोड रुपैयाँ ब्याज आम्दानी गरेको छ । त्यस्तै अन्य क्षेत्रमा गरेको लगानीबाट ११ करोड ७१ लाख रुपैयाँ व्याज आम्दानी गरेको छ ।
कम्पनीले गतबर्ष ब्याज आम्दानी तथा अन्य विभिन्न शिर्षकमा गरेको कमााईबाट एक अर्ब ३२ करोड कुल आम्दानी गरेको छ । कम्पनीको संचालन खर्च ५ करोड ५८ लाख छ ।
अहिलेसम्म कम्पनीले विभिन्न आयोजनामा एक अर्ब ३८ करोड रुपैयाँ लगानी गरेको छ । जसले कावेली इनर्जीमा ७८ करोड ५४ लाख रुपैयाँ लगानीे छ।
कम्पनीलाई जलविद्युत आयोजनामा लगानी बढाउने भन्दा बैंकमा बचत गरेर नाफा कमाउने आरोप लाग्दै आएको छ ।
बैंक ब्याजमा रमाएको कम्पनीले लगानीकर्तालाई हकप्रदको भार बोकाउँदै
कम्पनीको चुक्ता पूँजी १० अर्ब रुपैयाँ छ भने जगेडा कोषमा एक अर्ब ३२ करोड रुपैयाँ राखेको छ । कम्पनीले एक बराबर एक अनुपातमा हकप्रद शेयर जारी गर्ने प्रस्ताव गरेको छ । जसका लागि सरकारको तर्फबाट ५ अर्ब प्राप्त भईसकेको पनि कम्पनीले जनाएको छ ।
अब कम्पनीले सरकार बाहेक अन्य लगानीकर्तालाई शतप्रतिशत हकप्रद बेचेर थप ५ अर्ब जुटाउने तयारीमा छ । कम्पनीको प्रस्ताव अनुसार सर्वसाधरण लगानीकर्ताले मात्रै दुई अर्ब रुपैयाँ थप लगानी गर्नुपर्नेछ । हकप्रदपछि कम्पनीको चुक्तापूँजी २० अर्ब रुपैयाँ पुग्नेछ ।
कम्पनीले अघिल्लो आर्थिक बर्षमा सेयरधनीहरुलाई पाँच प्रतिशतका दरले ५० करोड रुपैयाँ नगद लाभांश वितरण गरेको थियो । यो कम्पनीमा लगानी गरेका लगानीकर्ताले उचित प्रतिफल नपाएको अवस्थामा थप हकप्रदको भार बोकाउने प्रस्ताव कम्पनीले गरेको छ ।
जलविद्युत आयोजनाहरुमा लगानी गर्ने लक्ष्यका साथ स्थापित कम्पनीमा सञ्चय कोष, राष्ट्रिय बीमा संस्थान, नागरिक लगानी कोष लगायतका सरकारी निकायको ८० प्रतिशत तथा सर्वसाधारण्को २० प्रतिशत शेयर स्वामित्व रहेको छ ।
कम्पनीको प्रतिसेयर आम्दानी ८ रुपैयाँ ३० पैसा र प्रति सेयर नेटवर्थ एक सय १३ रुपैयाँ छ ।
