निर्धारित समयमा आवश्यक भौतिक पूर्वाधार तथा तयारी हुन नसक्दा पूर्ण रुपमा अनलार्इन मार्फत कारोबार हुन नसकेको स्टकका प्रमुख कार्यकारी अधिकृत चन्द्रसिंह साउदले जानकारी दिए ।
‘डाटा सेन्टर’ तयारीका लागि थप समय लाग्ने भएकाले पूर्णरुपमा अनलाइन कारोबार प्रणाली सञ्चालनमा ल्याउन समस्या भयो, परीक्षणको रुपमा ‘मोक ट्रेडिङ्ग मात्रै शुरु भएको छ’ प्रमुख कार्यकारी अधिकृत साउदले भने ।
परीक्षण गर्न मात्रै कम्तिमा डेढ महिना लाग्ने देखिएको छ । शेयर दलाल कम्पनीले पनि डाटा सेन्टर बनाउन स्टकले निर्देशन दिएको छ ।
दलाल कम्पनीले आफ्नै डाटा सेन्टर तयार गर्नसक्ने वा सामूहिक रूपमा पनि तयार गर्नसक्ने व्यवस्था गरिएको छ । परीक्षणका रुपमा मंगलबारदेखि लगानीकर्तालाई अभ्यस्त बनाउन लागिएको स्टक एक्सचेञ्जले जनाएको छ ।
