एक महिनाको अवधिमा शेयर बजारमा दुई कम्पनीले गरेको लगानी ५ करोड ८५ लाख रुपैयाँ वृद्धि भएको छ ।
गत साउनमा एनआईबिएल समृद्धि फण्ड १ को बैंक मौज्दात २१ करोड ३८ लाख ५६ हजार रुपैंया रहेकोमा भदौमा ५ करोड २५ लाख २६ हजार रुपैंया मात्र बैंक मौज्दात गरेको छ । त्यसै गरी समीक्षा अवधिमा एनआईबिएल प्रगति फण्डको बैंक मौज्दात पनि १ करोड ६७ लाख रुपैंयाबाट १ करोड ४८ लाख रुपैंयामा झरेको छ ।
साउनको तुलनामा भदौ महिनामा एनआईबिएल समृद्धि फण्ड–१ ले तीन करोड एक लाख र एनआईबिएल प्रगति फण्डले दुई करोड ८४ लाख बढीले सूचीकृत कम्पनीहरुमा लगानी बढेको छ। समृद्धि फण्ड–१ कुल ८० कम्पनी तथा एनआईबिएल प्रगति फण्डले ६५ कम्पनीमा लगानी गरेको छ ।
सूचीकृत कम्पनीहरुले धमाधम सेयर लाभाशं घोषणा गर्न थालेको समयमा यसरी म्युचुअल फण्डहरुले लगानी बढाउन थालेका हुन् । म्युचुअल फण्डहरुले सेयर बजारमा लगानी बढाउँदै गर्दा यसको सकारात्मक प्रभाव समेत शेयर बजारमा देखिन थालेको छ । बजारले सुधारको संकेत गरेको छ भने कारोबार रकममा समेत बढोत्तरी हुन थालेको छ ।
एनआईबिएल समृद्धि फण्ड–१
एनआईबिएल समृद्धि फण्ड–१ ले भदाै मसान्तसम्ममा ८० सूचीकृत कम्पनीको सेयरमा ७९ करोड ४९ लाख २५ हजार २५२ रुपैयाँ लगानी गरेको छ ।
साउनमा ७६ करोड ४७ लाख ७६ हजार १४४ रुपैयाँ सूचीकृत कम्पनीमा लगानी गरेको थियो ।
भदौ महिनामा साउन महिनाको तुलनामा ३ करोड एक लाख ४९ हजार १०८ रुपैयाँले लगानी बढाएका हुन् । फण्डले कूल लगानी ९९ करोड ९१ लाख २१ हजार ५१७ रुपैयाँ छ ।
बैंक मुद्धती निक्षेपमा १० करोड, ऋणपत्र/बन्डमा ४ करोड ३० लाख र सार्वजनिक निष्काशन, हकप्रद सेयर, बोनस सेयरमा ६ करोड ११ लाख ९६ हजार २६५ रुपैयाँ लगानी गरेको हो ।
भदौ महिनामा फण्डको प्रति इकाई खुद मुल्य १० रुपैयाँ ३९ पैसा रहेको छ । साउन महिनामा ११ रुपैयाँ १५ पैसा थियो । फण्डले भदौ महिनामा प्रति ईकाइ खुद मुल्य ७६ पैसाले ह्रास आएको हो ।
फण्डको भदौमा खुद सम्पत्ति एक अर्ब ३ करोड ८८ लाख १५ हजार ६४९ रुपैयाँ छ । साउनको तुलनामा भदौमा ७ करोड ६१ लाख ९३ हजार ५१८ रुपैयाँले खुद सम्पत्ति खस्किएको हो । साउनमा फण्डको खुद सम्पत्ति एक अर्ब ११ करोड ५० लाख ९ हजार १६७ रुपैयाँ थियो ।
फण्डले भदौ मसान्तमा ५ करोड २५ लाख २६ हजार १८१ रुपैयाँ बैंक मौज्दातमा बचत गरेको छ भने दुई करोड १९ लाख ७५ हजार ४३४ रुपैयाँ बराबरको अन्य सम्पत्ति छ ।
यस महिनामा फण्डले ३ करोड ४६ लाख ५१ हजार ७३ रुपैयाँ आम्दानी गरेको छ भने ५० लाख २६ हजार ९० रुपैयाँ खर्च गरेको छ । साथै फण्डले भदौ मसान्तसम्ममा कुल आम्दानी दुई करोड ९६ लाख २४ हजार ९८३ रुपैयाँ गरेको छ ।
एनआईबिएल प्रगति फण्ड
भदौ महिनामा एनआईबिएल प्रगति फण्डले सूचीकृत ६५ कम्पनीहरुमा ५५ करोड १७ लाख ६४ हजार ३१५ रुपैयाँ लगानी गरेको छ ।
फण्डले भदौ महिनामाको तुलनामा साउनमा दुई करोड ८४ लाख ४५ हजार ४६१ रुपैयाँले लगानी वृद्धि गरेको हो । साउन महिनामा ५२ करोड ३३ लाख १८ हजार ८५४ रुपैयाँ लगानी गरेको थियो ।
त्यसैगरी सार्वजनिक निष्काशन, हकप्रद सेयर र बोनस सेयरमा ३ करोड १९ लाख ६४ हजार ३६० रुपैयाँ लगानी गरेको छ । फण्डले कुल लगानी ५८ करोड ३७ लाख २८ हजार ६७५ रुपैयाँ छ ।
फण्डको भदौ महिनामा प्रति इकाई खुद मुल्य ८ रुपैयाँ छ । साउन महिनाको तुलनामा फण्डको प्रति इकाई खुद मुल्य ३७ पैसाले वृद्धि भएको हो । साउनमा ७ रुपैयाँ ६३ पैसा थियो । फण्डको प्रथामिक निष्काशनमा लगानी गर्ने लगानीकर्ताले अझै प्रति इकाई दुई रुपैयाँ बराबर नोक्सानीमा छन् ।
भदौमा फण्डको खुद सम्पत्ति ५९ करोड ९८ लाख २३ हजार ४११ रुपैयाँ छ । फण्डले साउन महिनाको तुलनामा भदौमा दुई करोड ७८ लाख ४० हजार ३४७ रुपैयाँले खुद सम्पत्ति वृद्धि गरेको हो । साउन महिनामा ५७ करोड १९ लाख ८३ हजार ६४ रुपैयाँ थियो ।
फण्डले यस महिना बैंक मौज्दातमा एक करोड ४८ लाख ५२ हजार ६४२ रुपैयाँ सञ्चित गरेको छ भने ३७ लाख ३१ हजार ३८२ रुपैयाँ बराबरको अन्य सम्पत्ति रहेको छ ।
भदौ मसान्तसम्ममा फण्डले एक करोड ७० लाख ७९ हजार ७९१ रुपैयाँ आम्दानी गरेर २९ लाख ८७ हजार ७४० रुपैयाँ खर्च गरेको छ । भदौ महिनासम्म फण्डको कूल आम्दानी एक करोड ४० लाख ८३ हजार ५१ रुपैयाँ छ ।