अमेरिकी स्टकबाट एशियाली बजारले आफ्नो संकेत देखाएको छ, जसले बुधबार महिनौैदेखिको सबैभन्दा ठूलो एकदिने गिरावटको सामाना गरयो ।
जापानको स्टक एक्सचेन्ज निक्केई २२५ मा ३.९ प्रतिशतले गिरावट आएको छ । यो मार्चदेखिको सबैभन्दा ठूलो दैनिक गिरावट हो ।
यस्तै चीनको सांघाई कम्पोजिट सन् २०१४ पछिको सबैभन्दा तल्लो बिन्दुमा झर्याे ।
अमेरिकी उच्च ब्याजदरले उधारोलाई अधिक महंगो बनाउने, आर्थिक गतिविधिलाई घटाउदै लैजाने र लगानीकर्ताहरुले जोखिम लिन सक्ने क्षमतामा चोट पुर्याउदछ ।
चीनका विरुद्धमा अमेरिकी नेतृत्वको व्यापारिक युद्धले लगानीकर्ताहरुलाई विश्वव्यापी विकासको दृष्टिकोणका बारेमा पनि चिन्तित बनाएको छ ।
उता दक्षिण कोरियाको स्टक एक्सचेन्ज कोस्पी सूचांकमा ३.४ प्रतिशतले गिरावट आएको छ । त्यस्तै अस्ट्ेलियाको एस एण्ड पी÷एएसएक्स २०० सूचांक २.४ प्रतिशतले खस्केको छ ।
इन्टरनेशनल मनिटरी फण्ड (आईएमएफ) ले चेतावनी दिएको छ कि, अमेरिका र चीनका बीच जारी ट्रेड वारले दुनियाँलाई नै कंगाल बनाउनेछ ।
आईएमएफले हालैमा जारी गरेको ग्लोबल इकोनोमी रिपोर्टमा ट्रेड वार ग्लोबल इकोनोमीका लागि खतरनाक भएको बताएको छ ।