नहर परीक्षणका क्रममा पटक–पटक भत्किएपछि समितिका सभापति पूर्णाकुमारी सुवेदी नेतृत्वको टोलीले हिजो र आज गरी दुई दिन सिक्टा सिँचाइ आयोजनाको मूलबाँध तथा मूलनहरको स्थलगत अनुगमन गरी जानकारी लिएको छ ।
टोलीले स्थानीयसँगसमेत अन्तरक्रिया गरेको छ । सिक्टा सिँचाइ आयोजनाको स्थलगत निरीक्षण सम्पन्न गरी टोलीले सुर्खेतमा निर्माणाधीन भेरी–बबई डाइभर्सनको निर्माण कार्यको बारेमा जानकारी लिन त्यसतर्पm जान लागेको सभापति सुवेदीले बताए।
टोलीमा सांसद सत्यनारायण शर्मा खनाल, राजबहादुर बुढा क्षेत्री, शान्तिमाया तामाङ पाख्रीन र शान्ता चौधरी सहभागि रहेका थिए ।
सिक्टा आयोजनाको अनुगमनमा टोलीसँगै बाँकेका सांसद महेश्वर गहतराज, पूर्वसांसद देवराज भार, प्रदेशसभा सदस्य आईपी खरेल र कृष्णा केसीलगायत समेत रहेका थिए।