बुधवार नेप्से सूचाङ्क शून्य दशमलव ९८ अंकले बढेर १२०८ दशमलव ५६ मा अडिएको छ । कारोवार रकममा पनि सामान्य सुधार आएको छ ।
बाणिज्य बैकहरुले नगद लाभांश घोषणा गर्दा बेखुश भएका लगानीकर्ता अनलाइनको अन्यौलमा पर्दा त्यसको असर बजारमा पर्न थालेको छ । यद्यपि अनलाइन प्रणालीको अन्यौल चाँडै समाधान हुने लगानीकर्ताको विश्वास छ ।
बुधबार १ सय ४४ कम्पनीका सात लाख ८५ हजार कित्ता शेयर १७ करोड ८३ लाख रुपैयाँको कारोबार भयो।
मंगलवार १७ करोड ४१ लख ५५ हजार रुपैंयाको शेयर किनबेच भएको थियो ।
कारोबारको हिसावले प्रभु बैंकको शेयर ३ करोड रुपैयाँभन्दा धेरैको कारोबार भएको छ । दोस्रोमा कुमारी बैंकको १ करोड ६७ लाख रुपैयाँ र तेस्रो स्थानमा नेपाल बैंकको १ करोड ४५ लाख बरावरको किनवेच भयो ।
कारोबारमा आएका नौ उपसूचक मध्ये पाँचवटा बढेका छन् भने चारबटा घटेका छन्। । सबैभन्दा बढी निर्जीवन बीमा समूह ०.९१ प्रतिशतले बढेको छ भने फाइनान्स समूह सबैभन्दा बढी ०.५४ प्रतिशतले घटेको छ।
यस दिन युनाइटेड इन्स्योरेन्सका शेयरधनीले सबैभन्दा धेरै करिब चार प्रतिशतले कमाए भने महुली सामुदायिक लघुवित्तका शेयरधनीले सबैभन्दा धेरै चार प्रतिशतले नै गुमाएका छन् ।
