हाइड्रोपावरको साधारण सभामा आर्थिक वर्ष २०७४/७५ को वार्षिक प्रतिवेदन पारित गर्ने, र आर्थिक वर्ष २०७५/७६ को लागि लेखापरिक्षक नियुक्ति र पारिश्रमिक निर्धारण गर्ने लगायतका एजेण्डा रहेको छ ।
कम्पनीले सर्वसाधारणका लागि एक सय रुपैयाँ अंकित दरको १२ करोड रुपैयाँ बराबरको १२ लाख कित्ता साधारण शेयर निष्काशन गर्न सिभिल क्यापिटललाई बिक्री प्रवन्धक नियुक्ति गरेको छ ।
कम्पनीले १२ लाख कित्ता शेयरमध्ये ४ लाख कित्ता आयोजना प्रभावित क्षेत्रका बासिन्दाका लागि छुट्याएको छ ।
हाल कम्पनीको चुक्ता पूँजी २८ करोड रहेको छ र उक्त शेयर निष्काशन पश्चात कम्पनीको चुक्ता पूँजी ४० करोड कायम हुनेछ भने संस्थापक शेयर स्वामित्व ७० प्रतिशत र सर्वसाधारणको शेयर स्वामित्व ३० प्रतिशत रहने छ ।
उक्त आयोजना नुवाकोट जिल्लाको दुप्चेश्वर गाउँपालिका समुन्द्रटार स्थित तादी खोलामा रहेको छ । ५ मेगावाट क्षमताको उक्त आयोजनाको हालसम्म ५० प्रतिशत निर्माण कार्यसम्पन्न भइसकेको छ ।
