फाइनान्सको पुस १६ गते सोमबार बिहान ११ बजे थापागाउँ ब्याङ्क्वेट, नयाँ बानेश्वरमा वार्षिक साधारण सभा डाकेको छ ।
सभाले मर्जर तथा प्राप्तीका लागि फाइनान्सको सम्पत्ति तथा दायित्व मूल्याङ्कन गर्न मूल्याङ्कनकर्ता नियुक्ति, पारिश्रमिक निर्धारण, समझदारीपत्रमा हस्ताक्षर गर्ने लगायतका अन्य आवश्यक सबै प्रकृया पूरा गर्न सञ्चालक समितिलाई अख्तियारी प्रदान गर्ने रहेको छ ।
त्यस्तै फाइनान्सले सभामा गत आर्थिक वर्षको मुनाफाबाट ९ प्रतिशत नगद लाभांश वितरण गर्ने प्रस्ताव पारित गर्नेछ ।
हाल फाइनान्सको चुक्ता पूँजी ८० करोड ४० लाख ६० हजार रहेको छ । फाइनान्सले यही पूँजीको ९ प्रतिशत अर्थात् ७ करोड २३ लाख ६५ हजार ४१९ रुपैयाँ नगद लाभांश वितरण गर्नेछ।
साधारण सभा प्रयोजनका लागि फाइनान्सले पुस ३ गते बुक क्लोज गर्ने भएको छ । जसअनुसार पुस २ गतेसम्म कायम शेयरधनीले मात्र साधारण सभामा भाग लिन र नगद लाभांश प्राप्त गर्नेछन् ।
चालु आर्थिक बर्षको प्रथम त्रैमासमा फाइनान्सको प्रतिशेयर आम्दानी ५ रुपैयाँ ३१ पैसा, प्रतिशेयर नेटवर्थ १०८ रुपैयाँ ४३ पैसा छ ।
