बैंकले फागुन १९ गते बोलाएको सत्रौ वार्षिक साधारण सभाबाट ८ प्रतिशत बोनस शेयर र बोनसमा लाग्ने कर प्रयोजनको लागि नगद लाभांश पारित गर्नेछ ।
बैंकले गत आर्थिक वर्षको कमाइबाट लगानीकर्तालाई ६५ करोड ८७ लाख १५ हजार ८८२ रुपैयाँ बराबरको बोनस र बोनसमा लाग्ने कर तिर्न ३ करोड ४६ लाख ६९ हजार २५७ रुपैयाँ नगद लाभांश वितरण गर्न लागेको हो ।
यस्तै बैंकले संस्थापक र साधारण शेयरधनीको शेयर संरचना परिवर्तन गर्नेछ। बैंकको साधारणसभाबाट संस्थापकको ५५ प्रतिशत तथा साधारण शेयरधनीको हिस्सा ४५ कायम गर्ने प्रस्ताव बैंकले गरेको छ । हाल बैंकमा संस्थापकको ६१.३१ र सर्वसाधारणको ३८.६९ प्रतिशत शेयर स्वामित्व छ।
८ अर्ब २३ करोड ३९ लाख ५९ हजार रुपैयाँ चुत्तापूँजी भएको बैंकको बोनस पश्चात ८ अर्ब ८९ करोड २६ लाख ७४ हजार रुपैयाँ चुक्ता पूँजी पुग्नेछ ।
साथै बैंकले अन्य बैंक तथा वित्तीय संस्था एक्विजिशन तथा खरिद सम्बन्धी प्रक्रिया अगाडि बढाउन संचालक समितिलाई अख्तियारी दिने प्रस्ताव पनि साधारणसभामा लग्दैछ ।