सोसल मिडियामा ‘फर्जी खबर र भ्रामक जानकारी’ सँग सम्बन्धित उक्त रिपोर्ट १८ महिनाको जाँच परीक्षणपछि तयार गरिएको हो ।
रिपोर्टमा सोशल मिडिया कम्पनीमाथि अझै धेरै निगरानी बनाइराख्नका लागि अपिल गर्दै व्रिटिश सांसदले कम्पनीलाई डिजिटल ग्याङ्गस्टरको संज्ञा दिएको छ ।
रिपोर्ट तयार गर्ने संसदीय समितिका अनुसार, सोशल मिडिया वेभसाइटलाई अनिवार्य रुपमा न केबल आचारसंहिताको पालना गराउनुपर्नेछ, बरु हानिकारक वा अवैध सामग्रीलाई उत्कृष्ट ढंगले नियन्त्रित गर्नका लागि एक स्वतन्त्र नियामकद्धारा यसको निगरानी गर्न पनि जरुरी रहेको छ ।
उक्त रिपोर्टमा फेसबुक कम्पनीका लागि विशेषगरी भनिएको छ, यस्तो लाग्छ कि, साइटको संरचना नै विशिष्ट निर्णयका लागि ज्ञान वा जिम्मेदारीलाई लुकाउन सकियोस् भन्ने दृष्टिकोणका साथ डिजाइन गरिएको छ ।
यसमा फेसबुकले जानीजानी तथ्यांकको गोपनियता (डेटा प्राइभेसी) र प्रतिस्पर्धा विरोधी सम्बन्धि कानुनको उल्लघंन गरेको स्पष्ट भएको बताइएको छ । संसदको मिडिया समितिले उक्त रिपोर्टमा फेसबुकका प्रमुख मार्क जुकरबर्गमाथि अपमानको आरोप पनि लगाएको छ ।
सांसदले भने, जुकरबर्गलाई कयौँ पटक समिति समक्ष पेश हुनका लागि भनिएको छ तर उनी आएनन र यहाँसम्म कि, फेसबुकले यस सम्बन्धि पठाइएको ई–मेलको समेत कुनै पनि जवाफ दिएको छैन ।
एजेन्सीकाे सहयाेगमा