राष्ट्र बैंकले बैंक तथा वित्तीय संस्थाहरुलाई संस्थागत सामाजिक उत्तरदायित्व(सिएसआर) अन्गर्तत छुट्याएको रकम प्रतयेक प्रदेशमा न्यूनतम १० प्रतिशतका दरले खर्च गर्न निर्देशन दिएको छ ।
केन्द्रीय बैंकको निर्देशन अनुसार अब सबै प्रकारका बैंक तथा वित्तीय संस्थाहरुले आगामी आर्थिक बर्षको सुरुवादेखि थागत सामाजिक उत्तरदायित्व (सिएसआर) अन्गर्तत छुट्याएको कम्तिमा दश प्रतिशत रकम एक प्रदेशमा अनिवार्य खर्च गर्नुपर्ने छ ।
त्यस्तै राष्ट्र बैंकले पुनरकर्जा सुविधा उपभोग गरिरहेका ऋणीहरुबाट ८ प्रतिशत भन्दा बढी ब्याजदरमा नलिन पनि निर्देशन दिएको छ । राष्ट्र बैंकले मौद्रिक नीतिको समीक्षा मार्फत पाँच प्रतिशत ब्याजदरमा दिने पुनरकर्जालाई चार प्रतिशतमा झारेको थियो । साथै निर्यात पुनरकर्जाको ब्याजदर पनि ३ प्रतिशत भन्दा बढी नगर्न भनेको छ ।
