यस दिन सुनको मूल्य प्रतितोला एक हजार रुपैयाँले घटेको छ हो भने चाँदीको मूल्य तोलामा ४५ रुपैयाँले घटेको हो ।
नेपाल सुनचाँदी व्यवसायी संघका अनुसार यस दिन छापावाल सुन प्रतितोला दुई लाख १६ हजार १०० रुपैयाँमा कारोबार भइरहेको छ । मंगलबारको बजारमा छापावाला सुन प्रतितोला दुई लाख १७ हजार १०० रुपैयाँमा कारोबार भएको थियो । सो मूल्य हालसम्मकै उच्च हो ।
त्यसैगरी, निरन्तर ऐतिहासिक उचाई बनाउदै बढेको चाँदीको मूल्य आज घटेको हो । यस दिन चाँदी तोलामा ४५ रुपैयाँले घटेको छ । बुधबारको बजारमा चाँदी दुई हजार ५५० रुपैयाँमा खरिदबिक्री भईरहेको छ । मंगलबारको बजारमा चाँदी २ हजार ५९५ रुपैयाँमा कारोबार भएको थियो । चाँदीको सो मूल्य पनि हाल सम्मकै उच्च हो ।
