त्रिवि अन्तर्राष्ट्रिय क्रिकेट रंगशाला, किर्तिपुरमा टस हारेर पहिले ब्याटिंग गरेको काठमाण्डू गोर्खाजले १४२ बनाउँदै चितवन राइनोजको लागि १४३ रनको लक्ष्य दिएको थियो । तर राइनोज १७ ओभर १ बलमामा सबै विकेट गुमाउँदै ८९ रनमा समेटिएपछि काठमाण्डू गोर्खाज ५३ रनको बिशाल अन्तरले जित्न सफल भयो ।
चितवनका लागि देव खनाल र रवि बोपाराले समान २१, २१ रन तथा शोहिल तन्विरले १८ रन बनाए । अन्य ब्याटर दोहोरो अङ्कमा रन बनाउन सकेनन् ।
बलिङमा काठमाण्डूका रसिद खानले सर्वाधिक ३ विकेट लिए । कप्तान करण केसी, शाहव आलम र मिलिन्द कुमारले २,२ तथा सन्तोष यादवले एक विकेट लिए ।
त्यसअघि पहिला ब्याटिङ गरेको काठमाण्डू गोर्खाजको लागि जोन सिम्पसोनले सर्वाधिक ६० रन बनाए । त्यस्तै मिलिन्दले ३८, वेन चाल्र्सवर्थ १३, आकाश त्रिपाठी ४, रसिद खान ६, महोम्मद आदिल आलम ८, जेरार्ड एरास्मस ०, कप्तान करण केसी १, सन्तोष यादव ० र दीपेश कँडेल ६ रनमा आउट भए । शाहव आलम २ रनमा अविजित रहे ।
बलिङमा चितवनका सोहिल तन्विरले ४ विकेट लिए । रञ्जित कुमार र कमलसिंह ऐरीले दुई दुई तथा रवि बोपाराले एक विकेट लिए ।
काठमाण्डूले एनपीएलमा तेस्रो जित निकालेको छ । चितवनले भने तेस्रो हार बेहोरेको छ ।