गत मंसिर ५ गते शुक्रबार २ लाख ४१ हजार ७०० रुपैयाँमा कारोबार भएको छापावाल सुनको मूल्य त्यसको एक सातापछि मंसिर १२ गते शुक्रबारसम्म आइपुग्दा प्रतितोला २ लाख ५० हजार ६०० रुपैयाँ कायम भएको हो ।
यो साताभर हेर्ने हो भने सुनको मूल्य निरन्तर बढ्यो । साताभर सुनको मूल्य प्रतितोला ८ हजार ९०० रुपैयाँले बढेको देखिन्छ । नेपाल सुनचाँदी व्यवसायी महासंघका अनुसार, गत मंसिर ७ गते आइतबार आइपुग्दा २ हजार ९ सय रुपैयाँ सुनको मूल्य बढेर सो दिन २ लाख ४४ हजार ६०० रुपैयाँमा कारोबार भएको थियो ।
त्यस्तै, मंसिर ८ गते सोमबार भने सुनको मूल्य १ हजार ९०० रुपैयाँले घटेर २ लाख ४२ हजार ७०० रुपैयाँमा कारोबार भएको देखिन्छ । त्यस्तैगरी, मंसिर ९ गते मंगलबार एकैदिन ५ हजार २०० रुपैयाँले बढेर उक्त दिन सुन प्रतितोला २ लाख ४७ हजार ९०० रुपैयाँमा कारोबार भएको थियो ।
त्यस्तैगरी, मंसिर १० गते बुधबारका दिनमा ९०० रुपैयाँले बढेर उक्त दिन २ लाख ४८ हजार ८०० रुपैयाँमा कारोबार भएको थियो । त्यस्तैगरी मंसिर ११ गते बिहीबार भने प्रतितोलामा ४०० रुपैयाँ घटेर २ लाख ४८ हजार ४०० रुपैयाँमा कारोबार भएको थियो ।
र, साताको अन्तिम दिन मंसिर १२ गते शुक्रबार भने एकैचोटी सुनको मूल्य २ हजार २०० रुपैयाँ बढ्यो । त्यसदिन सुनको मूल्य प्रतितोला २ लाख ५० हजार ६०० रुपैयाँमा कारोबार भएको महासंघले जनाएको छ ।
