अघिल्लो आर्थिक वर्षको चौथो त्रैमासमा बरुण हाइड्रोपावरले ६ करोड ६० लाख रुपैयाँ नाफा गरेको थियो । यो अघिल्लो आर्थिक वर्षको तुलनामा पाँच करोड ४२ लाख रुपैयाँले कम हो ।
गत आर्थिक बर्षमा कम्पनीले विद्युत बिक्रीबाट आठ करोड ६२ लाख रुपैयाँ आम्दानी गरेको छ । जुन अघिल्लो आर्थिक वर्षको यस अवधिको तुलनामा करिब एक करोड १३ लाख रुपैयाँ अर्थात १५.०६ प्रतिशतले बढाएको हो । अघिल्लो आर्थिक वर्षमा कम्पनीले सात करोड ४९ लाख रुपैयाँ आम्दानी गरेको थियो ।
अघिल्लो बर्षमा अन्य आम्दानीबाटै १५ करोड ३६ लाख कमाएको यस कम्पनीको गत आर्थिक बर्षमा अन्य आम्दानी शून्य हुँदा नाफा घटेको हो । आम्दानी घटेपछि कम्पनीको सञ्चालन नाफा पनि १३ करोड १३ लाखबाट ७ करोड २५ लाख रुपैयाँमा खुम्चिएको छ ।
२५ करोड ५१ लाख ५० हजार रुपैयाँ रहेको शेयर पूँजी रहेको बरुण हाइड्रोको जगेडा कोषमा एक करोड २२ लाख रुपैयाँ सञ्चित रहेको छ । कम्पनीले आयोजनामा २९ करोड ४८ लाख बैंकमार्फत दिर्घकालीन लगानी गरेको छ ।
कम्पनीको प्रतिशेयर आम्दानी ४ रुपैयाँ ६२ पैसा र प्रतिशेयर नेटवर्थ १०४ रुपैयाँ ७८ पैसा र मूल्य आम्दानी अनुपात ३२.४६ गुणा बढी छ । कम्पनीले एक बराबर एक अनुपातमा हकप्रद जारी गर्न धितोपत्र बोर्डमा निवेदन समेत दिएको छ ।
