हिमालयन डिष्ट्रिलरीले ६८.४२ प्रतिशत अन्तरिम लाभांश बाँड्ने

May 24, 2019 Merolagani

हिमालयन डिष्ट्रिलरी (HDL) ले आफ्ना शेयरधनीलाई चालु आर्थिक वर्षको मुनाफाबाट ६८.४२ प्रतिशत नगद लाभांश वितरण गर्ने भएको छ। नेपाल स्टक एक्सचेञ्जमा उत्पादनमूलक कम्पनीमा सूचीकृत रहेको यस कम्पनीले चालु आव नसकिँदै लगानीकर्तालाई अन्तरिम लाभांश वितरण गर्ने निर्णय गरेको हो।

कम्पनी सञ्चालक समितिको जेठ ९ गते बिहीबर सम्पन्न सञ्चालक समितिको बैठकले कम्पनीको सञ्चित मुनाफा रकमबाट कर सहित प्रतिशेयर ६८ रुपैयाँ ४२ पैसाका दरले अन्तरिम लाभांश वितरण गर्ने निर्णय गरेको हो ।

उक्त लाभांश रकम यहि जेठ १६ गते बिहीबारसम्म नेप्सेमा कारोबार भई कम्पनीको शेयर रजिष्ट्रार नबिल इन्भेष्टमेन्ट एण्ड बैंकिङ्ग नारायणचौर नक्सालमा रहेको कम्पनीको शेयरधनी दर्ता किताबमा दर्ता भएका शेयरधनीले मात्र पाउनेछन् ।

हिमालयन डिष्टिलरीले गत आव २०७४/०७५ को मुनाफाबाट शेयरधनीलाई प्रतिशेयर कर सहित २१.०५ प्रतिशत नगद लाभांश वितरण गरिसकेको छ। कम्पनीको गत पुस २५ गते सम्पन्न १८ औं वार्षिक साधारण सभाबाट पारित भएको उक्त लाभांश गत फागुन ६ गतेदेखि वितरण गरेको थियो।

हिमालयन डिष्ट्रिलरीले चालु आर्थिक वर्षको तेस्रो त्रैमासमा गत आवको यसै अवधिको तुलनामा ६९.२४ प्रतिशत धेरै ३२ करोड ७१ लाख रुपैयाँ खुद नाफा कमाएको छ । चुक्ता पूँजी ३८ करोड ५६ लाख ४५ हजार ५०० रुपैयाँ रहेको कम्पनीले ७३ करोड ६१ लाख रिटेन्ड अम्दानी गरेको छ ।

यस कम्पनीले गोल्डेन ओएक, ब्लाक ओएक रोयल ट्रिजर लगायतका ब्राण्डहरुको मदिरा उत्पादन तथा बिक्री गर्दै आएको छ ।


comments powered by Disqus

पूँजी बजारका लगानीकर्तामा निराशा, कारोबार २० करोडभन्दा तल

Sep 23, 2019 04:26 PM

पछिल्लो समय शेयर बजारमा देखिएको अवस्थाले पूँजी बजारका लगानीकर्तालाई निराश बनाएको छ।  बजारप्रति विश्वास गर्नसक्ने वातावरण सिर्जना हुन नसक्दा शेयर कारोबार रकम घट्दै गएर २० करोडभन्दा तल कारोबार हुने अवस्थाको सिर्जना भएको छ।