यो बिधि लागू गर्ने बिषयमा भएको छलफलमा लगानीकर्ता नेताहरू नै पछि हटेको भन्ने समाचार आएपछि शेयर लगानीकर्ताका चारवटा संस्थाहरूले एक बिज्ञप्ति जारी गर्दै आफूहरू टी प्लस वानप्रति सकारात्मक भएको प्रतिकृया दिएका छन् ।
उनीहरूले यस सम्वन्धीको छलफलमा टी प्लस थ्रीवाट टु हुँदै वानमा जाँदा व्यवहारिक हुने बताएका थिए ।पूँजी बजारको विस्तार र बिकासका लागि गठित उच्चस्तरीय कार्यदलले दिएको सुझावमा हाल बिद्यमान टी प्लस थ्री बिधिवाट एकै दिनमा राफसाफ हुने टी प्लस वान बिधिमा जान सुझाव दिएको थियो । यसै बमोजिम धितोपत्र बोर्डले केन्द्रीय निक्षेप प्रणालीसिडिएससीलाई हाल कायम रहेको टि(प्लस थ्री राफसाफ चक्रलाई टि(प्लस वान मा झार्न निर्देशन दिएको हो । यस अघि यस बिषयमा अद्ययन गर्न नेपाल स्टक एक्सचेन्जकी उप प्रबन्धक प्रवीण पन्दाकको संयोजकत्वमा एक अध्ययन समिति बनेको थियो । समितिमा नेप्सेका तर्फबाट दुई, सिडिएससीका तर्फबाट एक,ब्रोकर कम्पनीका तर्फबाट एक र निक्षेप सदस्यका तर्फबाट एक प्रतिनिधि रहेका छन्। ।
के हो टि पल्स वान ?
हाल शेयर कारोबार भएको चार दिन पछि दोस्रो बजारमा राफसाफ हुने गरेको छ । शेयर खरिद वा बिक्री गरेको दिनलाई टि प्लस जिरो मानिन्छ भने त्यसपछिको दोस्रो दिनलाई वान, तेस्रो दिन टु र चौथो दिनलाई थ्री भनिन्छ।