राष्ट्र बैंकले मौद्रिक नीति कस्तो तयार पार्ने भन्ने विभिन्न सरकारवाला निकायहरूसँगको छलफललाई सघन बनाएकाे छ।
मौद्रिक नीतिमा आफना कुरा समावेश गराउन बैंक तथा वित्तीय संस्था, उद्योगी, व्यापारी, लगानीकर्ता सबैले राष्ट्र बैंकलाई सुझाब लिखित रूपमा प्रस्तुत गरिसकेका छन् ।
यस वर्षको मौद्रिक नीतिमा मर्जरको विषयले बैंक तथा वित्तीय संस्थाहरूलाई तताएको छ । बिहीबार आयोजित बैंकका अध्यक्ष तथा कार्यकारी प्रमुखहरूको बैठकमा गर्भनर चिरन्जीवि नेपालले असार २७ गते मौद्रिक नीति आउने भएकाले २६ गते भित्रमा मर्जरमा जाने प्रस्ताव केन्द्रिय बैंकका पेश गर्न बैंकका अध्यक्ष तथा कार्यकारीहरूलाइ सुझाएका छन्।
मर्जरमा जाने बैकहरूको प्रस्ताव हेरेर राष्ट्र बैंकले सेवा र सहुलियतहरू घोषणा गर्ने तयारी गरेकाे छ। बैकर्सहरूले मर्जरमा जाँदा विभिन्न सहुलियतका माग गरेपनि राष्ट्र बैंकले कस्ताे सहुलियत दिन सकिने भनेर जानकारी दिएको छैन।
बजेटमा उल्लेख भएको ८.५ को आर्थिक वृद्धि र ६.५ प्रतिशतको मुद्रास्फिति दरलाई आधार मानेर मौद्रिक नीति तय हुने बताइएको छ।
