यो सँगै ती ब्रोकर कम्पनीहरूले शेयर कर्जा धितो राखेर मार्जिन सेवा उपलव्ध गराउन सक्नेछन्।
उच्चस्तरीय कार्यदलले सुझाव दिए बमोजिम लगानीकर्ताका लामो समयदेखिको माग सम्वोधन गर्ने क्रममा नेप्सेले मार्जिन सुविधा उपलव्ध गराएको हो ।
मार्जिन कारोबारका लागि नेप्सेबाट स्वीकृति पाउनेमा ब्रोकर कम्पनीहरूमा क्रिस्टल कंचनजंगा सेक्युरिटिज, भिजन सेक्युरिटिज, नेपाल स्टक हाउस, सेक्युर्ड सेक्युरिटिज, श्री कृष्ण सेक्युरिटिज, प्राइमो सेक्युरिटिज, कोहिनुर सेक्युरिटिज र दिपशिखा सेक्युरिटिज रहेका छन्।
अन्य ३ ब्रोकर कम्पनीले मार्जिन कारोबारका लागि राष्ट्र बैंकबाट स्वीकृति पाइसकेको भए पनि ती कम्पनीले हालसम्म पनि नेप्सेमा निवेदन दिएका छैनन्।