संस्कृत पर्यटन तथा नागरिक उड्डयनमन्त्री राज्यमन्त्री धनबहादुर बुढाको प्रमुख आतिथ्यतामा सम्पन्न साधारण सभाले विशिष्ठ सदस्यमा राजेश काजी श्रेष्ठ, उपाध्यक्ष्माा विजय श्रेष्ठ, सचिवमा रामराजा आचार्य, कोषाध्यक्षमा डा.हरिश जोशीलाई निर्वाचित गरेको छ ।
त्यस्तै सदस्यहरुमा क्रमशः अनुजमणि तिमल्सिना, युगेश भक्त बादे श्रेष्ठ, मनिष राजभण्डारी, दिपकमहर्जन, शिबकुमार अग्रवाल, बिध्या सागर ताम्राकार, विधाता श्रेष्ठ, सुधिर प्रधानाङ्ग, राजेश शाक्य, रिजु महर्जन, भिक्षु सागर धम्म र नबिन महर्जन छानिएका छन्।
कार्यक्रममा नेपालका लागि श्रीलंका राजदूत स्वर्ण परेराको समेत उपस्थिति रहेको थियो । उनको ३ वर्षे कार्यकाल नेपाल श्रीलंका चेम्बर अफ कमर्स एण्ड ईण्डष्ट्रीजको इतिहासमा सुवर्ण रहेको र उनलाई यस संघको संरक्षकको रुपमा राखिएको अध्यक्ष रमेश महर्जनले बताए ।
सो अवसरमा राजदूत परेराको योगदानको चर्चा गर्दै सम्मानसंगै बिदाई कार्यक्रम सम्पन्न भएको संघले जनाएको छ।
कार्यक्रममा नेपाल चेम्बर अफकमर्सका अध्यक्ष राजेश काजी श्रेष्ठले नेपाल र श्रीलंकाबीचको ब्यापार त्यति सोचे अनुसार नभएको भन्दै व्यापार अभिवृद्धि गर्नतर्फ लाग्नब्यवसायीलाई आग्रह गरे ।
हाल वर्षको ७० हजार श्रीलंकन पर्यटक नेपालको लुम्बिनी भ्रमण आएपनि उनीहरुको बसाई अबधि लम्ब्याउन नसक्दा त्यसको फाइदा छिमेकी मुलुकले लिएको बताए । उनले नेपाल र श्रीलंका बीच सिधा हवाई उडान हुनुपर्ने त्यसका लागि सरकारले सहयोग गर्नुपर्ने उनको भनाई थियो । राजदूत परेराले दुबै देशको व्यापार अभिवृद्धि का लागि सहयोग गर्न आफू सधैं लागि पर्ने बताए।
