अल्फाबेटको ८५ प्रतिशत आम्दानी गुगलबाट आउने गर्दछ ।
ट्रिलियन डलरको सूचीमा ३ अमेरिकी कम्पनी
अल्फाबेटको शेयर यो वर्ष अर्थात् १६ दिनमा ८ प्रतिशतभन्दा धेरैले बढिसकेको छ । अल्फाबेट अमेरिकाको चौथौँ कम्पनी हो, जुन ट्रिलियन डलरमा शामिल भएको छ । हाल तीन अमेरिकी कम्पनी मात्र ट्रिलियन डलर बजार पूँजीकरणको सूचीमा रहेका छन् । यि तीनै प्रविधि कम्पनी हुन् ।
बजार पूँजीकरण धेरै हुने अमेरिकी कम्पनीमा एप्पल पहिलो नम्बरमा र माइक्रोसफ्ट दोस्रो नम्बरमा रहेको छ । अमेजनको बजार पूँजीकरण पनि सन् २०१८ मा १ ट्रिलियन डलरसम्म पुगेको थियो । तर हाल कम्पनीको बजार पूँजीकरण ९ खर्ब ३१ अर्ब डलर मात्र रहेको छ ।
बजार पूँजीकरणमा टप–५ अमेरिकी कम्पनी
सबैभन्दा धेरै बजार पूँजीकरण एप्पल कम्पनीको रहेको छ । उसको बजार पूँजीकरण १४ खर्ब डलर रहेको छ । यसैगरी दोस्रो सबैभन्दा धेरै बजार पूँजीकरण भएको कम्पनी माइक्रोसफ्टको बजार पूँजीकरण १३ खर्ब डलर रहेको छ । तेस्रो ठूलो अमेरिकी कम्पनीका रुपमा १० खर्ब डलरका साथै अल्फाबेट रहेको छ । यसैगरी अमेजनको ९ खर्ब ३१ अर्ब र फेसबुकको ६ खर्ब ३१ अर्ब डलर बजार पूँजीकरण रहेको छ ।
विश्वको सबैभन्दा धेरै बजार पूँजीकरण भएको कम्पनी
हाल बजार पूँजीकरणमा साउदी अरामको अग्र स्थानमा रहेको छ । कम्पनीको बजार पूँजीरकरण सबैभन्दा धेरै १८ खर्ब डलर रहेको छ । गत महिना मात्र अरामको २० खर्ब डलर बजार पूँजीकरण भएको विश्वको पहिलो कम्पनी बनेको थियो । केही दिन पहिले अमेरिका–ईरानका बीच तनाव बढेका कारण कम्पनीको बजार पूँजीकरणमा गिरावट आएको थियो । एजेन्सी