एशिया–प्यासिफिक शेयर सुरुवाती कारोबारमा जुन २०१८ पछिकै उच्च बिन्दुमा पुगेको थियो भने पछि ०.१ प्रतिशतले बढेको छ । यसैगरी सोमबार जापानको निक्केई इन्डेक्स ०.२ प्रतिशतले बढेर १५ महिनाको सबैभन्दा उच्च बिन्दुमा पुगेको छ ।
यसैगरी चिनीयाँ ब्लू–चिप इन्डेक्स ०.२ प्रतिशतले बढेको छ ।
अस्ट्रेलियाको मुख्य इन्डेक्स सबैभन्दा उच्च बिन्दुमा पुगेको छ भने दक्षिण कोरियाको शेयर २०१८ अक्टोबर पछिकै सबैभन्दा उच्च बिन्दुमा पुगेको छ । यसैगरी एसएण्डपी इन्डेक्स ०.१ प्रतिशतले बढेको छ ।
नयाँ वर्षको सुरुवातसँगै हालसम्म एसएण्डपी५०० सूचक ३ प्रतिशतले बढिसकेको छ भने नास्डाक सूचक करिब ५ प्रतिशतले बढेको छ ।
यसैगरी भारतीय शेयर बजार सुरुवाती कारोबारका क्रममा ३२८ अंकले बढेर ४२ हजार २७३.८७ को उच्च बिन्दुमा पुगेर नयाँ रेकर्ड कायम गरेको थियो भने निफ्टी पनि ७८ अंकले बढेर १२ हजार ४३०.५० बिन्दुका साथ हालसम्मको सबैभन्दा उच्च स्तरमा पुगेको हो ।
सोमबार कच्चा तेलको मूल्य भने उच्च रुपले बढेको छ । यसले विश्वव्यापी चिन्ता बढेको बताइएको छ । लिबियाद्धारा दक्षिण पश्चिमी इलाकामा तेल खानी बन्द गरिदिएसँगै कच्चा तेलको मूल्य बढ्न पुगेको हो । एजेन्सी
