पछिल्लो समय धितोपत्र सम्बन्धी कानुहरूको संशोधनको विषय अर्थमन्त्रीको चासो बढेपछि सरकारले उक्त कानुनहरूलाई संशोधन गर्न तीव्रता दिएको हो । उक्त कानुनका बिषयमा यति बेला दैनिक जसो अर्थ मन्त्रालयमा छलफल चलिरहेको स्रोतको भनाई छ । बोर्डमा नयाँ अध्यक्ष नियुक्ति भएसँगै यो बिषयले प्राथमिकता पाउन थालेको हो । बोर्डका नयाँ अध्यक्षले यस बिषयमा अर्थ मन्त्रालयमा प्रजेन्टेसन समेत गरिसकेका छन् ।
सरकार र बोर्डका प्रतिनिधि बिच बारम्बार चलेको छलफल पछि मन्त्रालयले बोर्डकै जिम्मा लगाएको जनाएको छ । 'उक्त नियमावलीहरूको अर्थमन्त्रालयबाट संशोधन सम्बन्धी सम्पूर्ण कामहरू सकेर धितोपत्र बोर्डमा पठाइएको छ, अब बोर्डको सञ्चालक समितिले पास गरी मन्त्रालय पठाएपछि मात्र संशोधनको प्रक्रिया पुरा हुनेछ' आचार्यले भने । मन्त्रालयले उक्त नियमावली सम्बन्धी सम्पूर्ण काम छिटो सकेर पठाउनका लागि बोर्डकै जिम्मा लगाएको आचार्यले भनाई छ ।
सामूहिक लगानी कोष (म्युचुअल फण्ड) नियमावली २०६८, धितोपत्र दर्ता तथा निष्कासन नियमावली २०७३, धितोपत्र व्यवसायी (मर्चेन्ट बैंकर) नियमावली, २०६४, धितोपत्र व्यवसायी (धितोपत्र दलाल, धितोपत्र व्यापारी तथा बजार निर्माता) नियमावली, २०६४ र क्रेडिट रेटिङ्ग नियमावली, २०६८ रहेका छन् ।
