संघीय संसदको अर्थ समिति अन्तगर्त रामकुमारी भाँक्री संयोजकत्वमा पूँजी र मुद्रा बजार सम्बन्धी अध्ययन गर्न गठित उपसमितिले पेश गरेको प्रतिबेदनमा अझै पनि १७.७६ प्रतिशत शेयर अभौतिकीकरण नभएका कारण दोस्रो बजारमा कारोबार हुन सकेको उल्लेख गरिएको छ ।
२०७२ माघदेखि काठमाडौं उपत्यका तथा २०७३ साउनदेखि काठमाडौं उपत्यका बाहिरबाट समेत पूर्ण अभौतिकृत धितोपत्रको कारोबार हुने व्यवस्था गरिएको थियो । बैशाख २ गतेसम्ममा कारोबारयोग्य कुल ६ अर्ब ५६ करोड ६ लाख २५ हजार २ सय ६८ धितोपत्र मध्ये ८२.२४ प्रतिशत मात्र अभौतिकीकृत भइ कारोबार हुन सक्ने भएको र बाँकी कुल १ अर्ब १६ करोड ५१ लाख ६७ हजार ४८ धितोपत्र अभौतिकीकरण नभएका कारणले कारोबार हुन नसकेको उक्त प्रतिवेदनमा उल्लेख गरिएको छ ।