बिहीबार नेप्से परिसूचक ४.५७ अंक अर्थात ०.३४ प्रतिशत बढेर एक हजार ३३१.१० विन्दुमा पुगेको छ। त्यसैगरी, यस दिन सेन्सेटिभ इण्डेक्स ०.४७ अंक र फ्लोट इण्डेक्स ०.२६ अंक बढेको छ।
अघिल्लो दिन १ अर्बभन्दा बढीको कारोबार भएको बजारमा यस दिन ९० करोड ८० लाख ८६ हजार रुपैयाँ बराबरको शेयर खरिदबिक्री भएको छ। यस दिन १७८ कम्पनीको १४ हजार ६६३ पटकको कारोबारमा २२ लाख २६ हजार कित्ता शेयर किनबेच भएको छ।
३ कम्पनीको शेयरमूल्यमा सकारात्मक सर्किट
नेप्से सामान्य अंकले बढेपनि यस दिन तीन कम्पनीहरुको शेयरमूल्यमा भने सकारात्मक सर्किट लागेको छ। यस दिन सूर्योदय लघुवित्त, एनआईसी एशिया लघुवित्त र वोमी माइक्रोफाइनान्सको शेयरमूल्यमा सकारात्मक सर्किट लागेको हो। त्यसैगरी, यस दिन गुहेश्वरी मर्चेन्ट बैंक एण्ड फाइनान्सको शेयरमूल्य ७.२६ प्रतिशत बढेको छ भने एनएमबि माइक्रोफाइनान्स र तिनाउ मिसन डेभलपमेन्ट बैंकको शेयरमूल्य ६ प्रतिशतभन्दा बढी बढेको छ।
यस दिन ग्लोबल आइएमई समुन्नत स्किम–१, नेशनल हाइड्रोपावर, रिडी हाइड्रोपावर र सबैको लघुवित्तको शेयरमूल्य ३ प्रतिशतभन्दा बढी घटेको छ।
पुनर्बीमा कम्पनीको सर्वाधिक कारोबार
यस दिन पनि सर्वाधिक कारोबार हुने कम्पनीहरुको सूचीमा नेपाल पुनर्बीमा कम्पनी शिर्ष स्थानमा रहेको छ। सो कम्पनीको यस दिन ५ हजार ३२२ पटकको कारोबारमा १५ करोड १८ लाख ४५ हजार रुपैयाँ बराबरको ३ लाख २ हजार कित्ता शेयर खरिदबिक्री भएको छ। त्यस्तै, यस दिन नेपाल लाइफ इन्स्योरेन्सको ९ करोड ४८ लाख रुपैयाँ बराबरको शेयर किनबेच भएको छ भने छिमेक लघुवित्तको ६ करोड ४१ हजार रुपैयाँ बराबरको शेयर कारोबार भएको छ।
१० उपसमूहको परिसूचक बढ्यो
समूहमध्ये १० उपसमूहको परिसूचक बढेको छ भने बाँकी २ उपसमूहको परिसूचक घटेको छ। यस दिन म्युचुअल फण्ड उपसमूहको परिसूचक सर्वाधिक २.९४ प्रतिशत बढेको छ भने व्यापार उपसमूहको सर्वाधिक २.११ प्रतिशत घटेको छ।