यसका साथै उनका ७० हजार समर्थकहरुको अकाउन्ट पनि निलम्बित गरिदिएको छ ।
राष्ट्रपति ट्रम्पले बारम्बार बिना प्रमाण डेमोक्रेटिक पार्टीका उम्मेद्वार जो बाइडनको ३ नोभेम्बरको चुुनावी जीतलाई चुनौती दिइरहेका छन् । गत बुधबारको ट्रम्पको एउटा भाषणपछि उनका समर्थक अमेरिकी संसदको भवनमा पसे । उक्त समय त्यहाँ संसद र भवनमा अधिवेशन जारी थियो, जसमा बाइडनको जीतको पुष्टि हुने थियो, जुन एक औपचारिक पनि थियो ।
राष्ट्रपति ट्रम्पका विरुद्ध लागेको प्रतिबन्धमाथि कानुनी विशेषज्ञहरु के यो कदम गैरकानुनी हो भन्ने विषयको बहसमा जुटेका छन् । ट्रम्पका छोरा डोनाल्ड ट्रम्प जुनियरले ट्वीटरमा लागेको प्रतिबन्धपछि भने, फ्री स्पीच अब अमेरिकामा उपलब्ध छैन ।
तर अर्कातर्फ उनका समर्थकहरु उनको आफ्नो एउटा छुट्टै सोशल मिडिया प्लेटफर्म होस्, जसमा उनी स्वतन्त्र रुपमा आफ्नो विचार शेयर गर्न सकुन भन्ने कुरालाई लिएर भने उत्साहित रहेका छन् । स्वयम् राष्ट्रपतिले नै एउटा नयाँ सोशल मिडिया प्लेटफर्म सुरु गर्ने विचार राखेको बताएका छन् ।
तर एउटा नयाँ सोशल मिडिया प्लेटफर्म बनाउन कति सहज छ? वा के ट्वीटर, फेसबुक र इंस्टाग्राम जस्ता प्लेटफर्मको कुनै विकल्प छ? जसको पहुँच यिनै प्लेटफर्म जस्तो होस् र त्यो विश्वभरमा यिनीहरु जस्तै लोकप्रिय होस्?
नयाँ प्लेटफर्म बनाउन कति सहज?
यो प्रश्न हरेक ती व्यक्तिहरुको दिमागमा हुनेछ, जो आफ्नो विचार प्रचारका लागि यस्ता निःशुल्क सोशल मिडिया प्लेटफर्मको दैनिक प्रयोग गर्ने गर्दछन् । तर उनीहरुलाई आफ्नो विचारका कारण आफूमाथि प्रतिबन्ध लाग्ला कि भन्ने डर रहेको हुन्छ। एजेन्सीको सहयोगमा