अघिल्लो आर्थिक वर्षको यसै अवधिको तुलनामा कम्पनीको खुद नाफा ३.८१ प्रतिशत अर्थात २ करोड ३८ लाख रुपैयाँले बढी हो ।
अघिल्लो आर्थिक वर्षको सोही अवधिसम्ममा कम्पनीले निर्जीवन बीमा व्यवसायबाट १ अर्ब ९९ लाख रपैयाँ र जीवन बीमा व्यवसायबाट ११ करोड ६७ लाख रुपैयाँ गरी एक अर्ब १२ करोड ६७ लाख रुपैयाँ खुद नाफा आर्जन गरेको थियो ।
यसैगरी, कम्पनीले गत आर्थिक वर्षको चौथो त्रैमाससम्ममा ९ अर्ब ४३ करोड ३ लाख रुपैयाँ खुद बीमाशुल्क आर्जन गरेको छ । कम्पनीले निर्जीवन व्यवसायबाट ८ अर्ब २३ करोड १ लाख रुपैयाँ र जीवन बीमा व्यवसायबाट १ अर्ब २० करोड रुपैयाँ गरी सो बराबरको बीमाशुल्क आर्जन गरेको हो ।
अघिल्लो आर्थिक वर्षको सोही अवधिमा कम्पनीले ६ अर्ब ८६ करोड ८० लाख रुपैयाँ मात्रै खुद बीमाशुल्क आर्जन गरेको थियो । कम्पनीको खुद बीमाशुल्क समीक्षा अवधिमा ३७.३१ प्रतिशत बढेको हो ।
यस्तै, गत आर्थिक वर्षको असार मसान्तसम्ममा कम्पनीले पुनर्बीमा कमिशन बापत ७३ लाख ४९ हजार रुपैयाँ र लगानी कर्जा तथा अन्य आयबाट ४२ करोड ६० लाख रुपैयाँ आम्दानी गरेको छ।
कम्पनीले यस अवधिमा २ अर्ब ४९ करोड रुपैयाँ पुनर्बीमा कमिशन बापत खर्च गरेको छ । यस्तै कम्पनीले निर्जीवन बीमातर्फ ४ अर्ब ११ करोड ८९ लाख रुपैयाँ र जीवन बीमातर्फ ४५ करोड २१ लाख रुपैयाँ गरी ४ अर्ब ५७ करोड रुपैयाँ खुद दाबी भुक्तानी गरेको छ भने एक अर्ब ९१ करोड रुपैयाँ बराबरको रकम भुक्तानी गर्न बाँकी रहेको छ ।
चुक्ता पूँजी १० अर्ब रुपैयाँ रहेको कम्पनीको जगेडा कोषमा ३ अर्ब ३५ करोड १४ लाख रुपैयाँ र बीमा कोषमा २ अर्ब ४६ करोड ५४ लाख रुपैयाँ सञ्चित छ ।
कम्पनीको प्रतिशेयर आम्दानी वार्षिक ११ रुपैयाँ ६९ पैसा, प्रतिशेयर नेटवर्थ १५८ रुपैयाँ १७ पैसा र मूल्य आम्दानी अनुपात १३६.२९ गुणा छ ।
