मन्त्रालयको तथ्यांक अनुसार १७ हजार ८७२ पीसीआर परीक्षणमध्ये ८ हजार ७३० जनामा र चार हजार ९५६ एन्टिजेन परीक्षणमध्ये एक हजार ५२८ जनामा संक्रमण पुष्टि भएको छ । यस अघि २०७८ को वैशाख २८ गते, ९ हजार ४८३ जना संक्रमित थपिएका थिए ।
यसैगरी एक दिनमा कोरोना संक्रमणका कारण एक जनाको निधन भएको छ । सोहि अवधिमा ५६२ जना मात्र कोरोना निको भएका छन् ।
हाल देशभरमा ३९ हजार ४४ जना सक्रिय संक्रमित छन् । अहिले १०० जनामा क्वारेन्टिनमा छन् ।
उपत्यकामा नै ५,५४९ जना संक्रमित
आज काठमाडौंमा ४,००४ जना, ललितपुरमा ९७५ जना र भक्तपुरमा ५७० जनामा कोभिड १९ पुष्टि भएको छ । यसरी एकैदिन उपत्यकामा नै पाँच हजार ५४९ जना संक्रमित थपिएको मन्त्रालयले जनाएको छ ।
