बालेन साहको जित सुनिश्चित, उनी भन्छन् ‘विजय जुलुस नगरौं, बरु धन्यवाद र्याली गरौं’

May 25, 2022 12:43 PM Merolagani

काठमाडौं महानगरपालिकाको मेयरका उम्मेदवार बालेन्द्र साह (बालेन) को जित सुनिश्चित भएको छ । उनको जित सुनिश्चित भएपछि समाजिक सञ्जालमा ‘विजय जुलुस नगरौं, बरु धन्यवाद ¥याली गरौं’ भनेर अपिल गरेका छन् ।

स्वतन्त्रबाट उम्मेदवारी दिएका बालेनले आफ्नो विजय निश्चित भएपछि निर्वाचनको परिणामलाई जित–हारको रुपमा नहेर्न पनि अपील गरेका छन् ।

उनले बुधवार आफ्नो समर्थकहरुलाई विजय जुलुस नगर्न, बरु धन्यवाद ¥याली गर्न र त्यसकै नाममा विभिन्न जिल्लाबाट काठमाडौं नधाउन पनि अपील गरेका छन् ।

यो समाचार तयार गर्दासम्म बालेनले ५५ हजार ७७७ मत प्राप्त गरेका छन् । उनीसँग प्रतिस्पर्धा गरिरहेकी सिर्जना सिंहले ३५ हजार ३७१ र केशव स्थापितले ३४ हजार ६२६ मत प्राप्त गरेका छन् ।

‘जित– हारलाई मतगणना सकिएसँगै सकिदिऊँ । घोषणापत्रमा भएका कुराहरू लागू गर्न सकेका दिन सबै मिलेर विजय उत्सव मनाउँला’, उनले भनेका छन्, ‘अहिले विजय जुलुस भनेर अरुलाई पराजित भन्ने संकेतसम्म पनि नगरौं ।’

 

comments powered by Disqus

माथिल्लो तामाकोशीका शेयरधनीले तत्कालै हकप्रद भर्न पाउने नै भएकै हुन त ? यसो भन्छन्, माथिल्लो तामाकोशी आयोजनाका प्रमुख

Jul 03, 2022 03:11 PM

हकप्रद शेयर जारी गर्ने भयो भन्ने हल्ला बाहिर आएपछि आज माथिल्लो तामाकोशीको शेयरमा संक्रिट लाग्न पुग्यो । माथिल्लो तामाकोशीको शेयर मूल्य १० प्रतिशतले बढेर ४८५ रुपैयाँमा कारोबार हुन पुग्यो । कारोबार रकम पनि करिव ४७ करोड रुपैयाँको हुन पुगेको छ ।