यस साता १३ वटै उपसमूहको परिसूचक ओरालो लागेका छन्। जसमध्ये व्यापार उपसमूहको परिसूचक सर्वाधिक ४.९७ प्रतिशत घटेको छ भने निर्जीवन बीमा उपसमूहको परिसूचक सबैभन्दा कम ०.४७ प्रतिशत घटेको छ।

गत साता ७९३८.४९ विन्दुमा रहेको यस उपसमूहको परिसूचक यस साता ०.४७ प्रतिशत अर्थात ३७.४४ अंक घटेर ७९०१.०५ विन्दुमा झरेको छ।

सोही उपसमूहमध्येको एक कम्पनी हो आइएमई जनरल इन्स्योरेन्स (IGI)।

यस साता आइएमई जनरल इन्स्योरेन्सको शेयरमूल्य करिब २ रुपैयाँ घटेको छ। गत साताको शुक्रबार ३९१ रुपैयाँ ९० पैसामा अन्तिम कारोबार भएको यस इन्स्योरेन्सको शेयर, यस साता ३९० रुपैयाँमा अन्तिम कारोबार भएको छ।

यस अनुसार यस साता इन्स्योरेन्सको शेयरमूल्य उकालो लागेमा ४५० रुपैयाँमा प्रतिरोधको सामना गर्ने देखिन्छ। त्यसैगरी, ओरालो लागेमा भने ३०० रुपैयाँमा टेवा पाउने देखिन्छ।

साताको अन्तिम कारोबार दिन इन्स्योरेन्सको शेयरमूल्यले इन्भर्टेड ह्यामर मैनबत्ती बनाएको छ। अघिल्ला तीन कारोबार दिन रातो मैनबत्ती पछि बनेको यस मैनबत्तीलाई एक ट्रेण्ड रिभर्सल सिग्नलको रुपमा लिइन्छ।

यस साता इन्स्योरेन्सको ५ दिने इएमए, २० दिने इएमएभन्दा तल रहेको छ। यसले इन्स्योरेन्सको शेयरमा बाइङ्ग मोमेन्टम कमजोर रहेको संकेत गर्दछ।

यस साता इन्स्योरेन्सको शेयरमूल्य घटे पनि भोल्यूम भने बढेको छ। यस साता इन्स्योरेन्सको दैनिक औषतमा २१ हजार ५४० कित्ता शेयर खरिदबिक्री भएको छ। इन्स्योरेन्सको २० दिने औषत भोल्युम १९ हजार ७८६ कित्ता रहेको छ। २० दिने औषत भोल्युमको तुलनामा इन्स्योरेन्सको दैनिक औषत भोल्यूम ८.८६ प्रतिशत बढी हो।

इन्स्योरेन्सले गत आर्थिक वर्षको चौथो त्रैमाससम्ममा ६४ करोड ७४ लाख रुपैयाँ खुद बीमाशुल्क आर्जन गरेको छ। गत आर्थिक वर्षको सोही अवधिसम्ममा कम्पनीले ५८ करोड ७९ लाख रुपैयाँ खुद बीमाशुल्क आर्जन गरेको थियो।

सो अवधिसम्ममा इन्स्योरेन्सको खुद नाफा २३ करोड ४६ लाख रुपैयाँबाट घटेर १७ करोड १२ लाख रुपैयाँमा सीमित भएको छ।

सो अवधिसम्ममा इन्स्योरेन्सको चुक्ता पूँजी १ अर्ब ७३ करोड ४० लाख रुपैयाँ रहेको छ। इन्स्योरेन्सको जगेडा कोषमा २७ करोड ८४ लाख रुपैयाँ र बीमा कोषमा ५५ करोड ६१ लाख रुपैयाँ सञ्चित छ।

गत आर्थिक वर्षको असार मसान्तसम्ममा कम्पनीको प्रतिशेयर आम्दानी ९ रुपैयाँ ८८ पैसा रहेको छ। साताको अन्तिम कारोबार दिनको अन्तिम मूल्य अनुसार इन्स्योरेन्सको मूल्य आम्दानी अनुपात ३९.४७ गुणा रहेको छ। इन्स्योरेन्सको बुकभ्यालु ११६ रुपैयाँ ६ पैसा रहेको छ भने प्राइस टु बुकभ्यालु ३.३६ गुणा रहेको छ।

यस साता इन्स्योरेन्सको १४ दिने आरएसआई ४१.८९ स्केल अर्थात न्यूट्रल जोनमा रहेको छ। यसले बजारमा इन्स्योरेन्सको शेयर खरिदबिक्री चाप सन्तुलनमा रहेको संकेत गर्दछ।

प्राविधिक विश्लेषणका अन्य उपकरणहरुमा इन्स्योरेन्सको शेयरमूल्य बियरिश प्रवृत्तिमा रहेको संकेत गर्दछ।

हाल नेप्सेमा इन्स्योरेन्सको १ करोड ७३ लाख ४० हजार ६३८ कित्ता शेयर सूचीकृत छ। इन्स्योरेन्सको १८० दिने औषत मूल्य ४७० रुपैयाँ २५ पैसा रहेको छ। त्यसैगरी, इन्स्योरेन्सको ५२ हप्ताको उच्च मूल्य १ हजार २६६ रुपैयाँ १० पैसा रहेको छ भने न्यून मूल्य ३३३ रुपैयाँ २० पैसा रहेको छ। साताको अन्तिम कारोबार दिनको मूल्य अनुसार इन्स्योरेन्सको कुल बजार पूँजीकरण ६ अर्ब ७६ करोड २८ लाख ४८ हजार ९३७ रुपैयाँ रहेको छ।

फियर एण्ड ग्रीड मिटरमा इन्स्योरेन्स अहिले फियर जोनबाट एक्सट्रीम फियर जोनतर्फ झरिरहेको छ। यसले लगानीकर्ताहरु शेयरमूल्य अझ घट्ने डरमा रहेको संकेत गर्दछ।

(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि आफैले थप अध्ययन तथा विश्लेषण गर्नु आवश्यक छ।)