संघले असोज १ गतेबाट काठमाडौं उपत्यकाभरकालागि नयाँ दररेट कायम गरिएको बताएको छ । सो सूची अनुसार अब कपाल काट्दा २०० रुपैयाँ अनिवार्य तिर्नुपर्नेछ । कपाल डिजाइनिङ्ग कटिङ्ग गरेमा ३५० देखि ५०० रुपैयाँ सम्म तोकिएको छ । यसअघि समान्य कपाल काटेको शुल्क १५० रुपैयाँ थियो ।
दाह्री काट्दा सामान्य शुल्क १२० रुपैयाँ पर्न जान्छ । यस्तै, स्पेशल दाह्री काट्न २०० रुपैयाँ लाग्ने भएको छ ।
नयाँ शुल्क अनुसार दाह्री डिजाइन गरेको १५० रुपैयाँ देखि २५० रुपैयाँ, टाउको मसाजको २०० रुपैयाँ, स्याम्पु गरेको १२० देखि १५० रुपैयाँ रहेको छ ।
यसैगरी, फेस ब्लीच गरेको ७०० रुपैयाँ देखि एक हजार रुपैयाँसम्म तथा फेसियल गर्दा एक हजार रुपैयाँ देखि २ हजार रुपैयाँदेखि लाग्ने भएको छ ।
फेसवासको ४०० रुपैयाँदेखि ६०० रुपैयाँ पर्न जान्छ भने कपाल कालो कलर गरेको ५०० देखि ६५० रुपैयाँ र थ्रेडिङ्ग गरेको १२० रुपैयाँबाट सुरु भएर १५० रुपैयाँसम्म लिइने भएको छ ।
कपाल हाईलाईट डिजाईन कलर गर्दाको मूल्य बढेर एक हजार रुपैयाँदेखि एक हजार ६०० रुपैयाँ पुगेको छ । कपाल अनुसार स्ट्रेट गरेको न्युनतम एक हजार ८०० रुपैयाँदेखि अधिकतम ४ हजार रुपैयाँसम्म शुल्क तिर्नुपर्ने भएको छ ।
अब कपाल आईरन गर्दा ७०० रुपैयाँ देखि ८५० रुपैयाँ, कपाल ट्रिटमेन्ट गर्दा ६५० देखि ८०० रुपैयाँ, कपाल डेडलक गर्दा, १२ हजार रुपैयाँदेखि २५ हजार रुपैयाँ बुझाउनुपर्ने नाई संघले जनाएको छ ।
यसकासाथै कपाल कर्ल गरेको कम्तिमा तीन हजार ५०० रुपैयाँ र धेरैमा सात हजार रुपैयाँ सम्म दिने । हेयर क्रेटिङ्ग गरेको एक हजार ८०० रुपैयाँ देखि दुई हजार ५०० रुपैयाँ तिर्नुपर्छ ।