जिल्ला प्रहरी परिसर काठमाडौंले चाडपर्वको बेला हुन सक्ने ठगी तथा अपराधलाई नियन्त्रण विशेष सुरक्षा योजना सार्वजनिक गरेको जनाएको छ ।
काठमाडौं उपत्यकामा चाडपर्वका लागि ३ हजार ३४३ सुरक्षाकर्मीहरुले खटाइने परिसरले जनाएको छ । परिसरका अनुसार ६१ ठाउँमा पिकेट गस्ती, ६० वटा ठाउँमा बिहान बेलुका र दिउँसो पैदल गस्ती, बिहान र रातको समयमा २४ वटा मोबाइल गस्ती, ७६ वटा साइकल गस्ती, १४ वटा क्वीक रेस्पोन्स टिम र क्रस चेकिङका लागि ४६ ठाउँमा प्रहरी परिचालन गरिनेछ ।
यस्तै प्रहरीले सुन्धारा, कोटेश्वर, तिलगंगा, गौशाला, चाबहिल चोक, गोंगबु, नयाँ बसपार्क, बालाजु बाइपास, कलंकी र बल्खुमा यात्रु सहायता कक्ष सञ्चालन गरिने जनाएको छ ।