विगत पाँच महिनादेखि ३ सय डलर माथिका मोबाइल नेपालमा आयात गर्न प्रतिबन्ध लगाइएकाे छ । मोबाइल आयात प्रतिबन्ध कै कारण चाडपर्वको मुखमा मोबाइल आयात घटेको तथ्याङ्कले देखाएको छ ।
तथ्याङ्क अनुसार गत आर्थिक बर्ष २०७८÷०७९मा १० अर्बका १४ लाख ९८ हजार पिस मोबाइल आयात भएको थियो । गत बर्ष भन्दा चालु आवमा ४ अर्ब रुपैयाँले मोबाइल आयात घटेको भन्सार विभागले जनाएको छ ।
मोबाइल आयात प्रतिबन्धले चडपर्बका लागि पर्याप्त फोन नेपाल भित्रिन सकेको छैन । विशेषगरी दशैं तथा तिहारमा मिड रेन्जका स्मार्टफोन अत्याधिक विक्री हुने भएपनि यो बर्ष आयात प्रतिबन्धले मोबाइल बजारमा ठूलो असर गरेको छ ।
मोबाइल आयात प्रतिबन्ध खुलाउन मोबायल व्यवसायीले पटक पटक सरकारसँग लविङ गरेपनि तत्काल आयात प्रतिबन्ध हट्ने सम्भावना छैन । चालु आर्थिक बर्षको पहिलो महिना अर्थात साउनमा दुई अर्बको मोबाइल आयात भएको थियो ।
नेपाल दुरसञ्चार प्राधिकरणले गत भदौं ३० गते अवैध मोबाइल आयातलाई प्रतिस्थापन गर्न मोबाइल डिभाइस म्यानेजमेन्ट सिस्टम लागु गरेको छ ।
भदौं अगाडीसम्म अवैघ मोबाइल भित्रिएपनि असोजदेखि चोरिपैठारीबाट आउने मोबाइल रोकिने प्राधिकरणले जनाएको छ ।
मोबाइल आयात रोक्दा नेपालमा ७० प्रतिशत मोबाइल अवैध बाटोबाट आइरहेको व्यवसायी बताउदै आएका छन ।