विवरण अनुसार बैंकले सो अवधिसम्ममा ३ अर्ब २७ करोड रुपैयाँ खुद नाफा कमाएको छ। यो विन्दुगत आधारमा ३६ प्रतिशतको वृद्धि हो। धितोपत्रको दोस्रो बजारमा शेयरमूल्य अधिक भएपनि बैंकको खुद नाफा भने नबिलको भन्दा कम रहेको छ। सो अवधिसम्ममा नबिल बैंकले करिब साढे ३ अर्ब खुद नाफा कमाएको छ।
नाफामा नबिल बैंकले उछिनेपनि प्रतिशेयर आम्दानीका आधारमा भने एनआईसी एशिया नै अगाडि देखिएको छ। पुस मसान्तसम्ममा नबिल बैंकले प्रतिशेयर २५ रुपैयाँ ३३ पैसा कमाउँदा एनआईसी एशियाले प्रतिशेयर ५६ रुपैयाँ ७७ पैसा कमाएको छ।
सो अवधिसम्ममा बैंकको कुल बजार रकम २ खर्ब ६६ अर्ब रुपैयाँ रहेको छ भने निक्षेप ३ खर्ब ८ अर्ब रुपैयाँ रहेको छ।