यस कुकुरको सम्पत्ति ५०० मिलियन डलर भन्दा बढी छ। विश्वमा यो कुकुर लगायत अन्य कुकुरहरुसँग पनि धेरै धन छ । यस्ता कैयौं जनावर छन् जोसँग आफ्नो मालिक, व्यापार तथा सामाजिक संजालको सहयोगले करोडौंको सम्पत्ति जम्मा गरिसकेका छन् ।
"अल अबाउट क्याट्स" ले "द अल्टिमेट पेट रिच लिस्ट" मा सर्वाधिक धनाढ्य घरपालुवा जनावरहरुका बारेमा बताइएको छ ।
विश्वका सर्वाधिक पाँच धनी जनावर
५०० मिलियन डलरका धनी गुंथर छैठौं
गुंथर छैठौंको सम्पत्तिको पछाडि उसको हजुरबुवा गुंथर तेश्रोको योगदान रहेको छ । जर्मनीको काउंटेस कार्लोटा लिबेंस्टिनले पालेको कुकुर थियो गुंथर तेश्रो । कार्लोटाले आफ्नो ८० मिलियन डलरको सम्पत्ति गुंथर तेश्रोको नाम गरिदिएका थिए । गुंथर कर्पोरेशनले ती पैसाको केहि ठाउँमा लगानी गर्याे । आजको समयमा याे सम्पत्ति बढेर ५०० मिलियन डलर भइसकेको छ ।
गिनीज बुक अफ वल्र्ड रेकर्ड्समा नाला क्याट
नाला क्याट इन्स्टाग्राममा सबैभन्दा धेरै फलो गरिने बिरालो हो । यसको ४० लाख भन्दा धेरै फलोअरहरु छन् । यसको नाम गिनीज बुक अफ वल्र्ड रेकर्ड्समा पनि दर्ता भइसकेको छ । यस सियामी पर्शियन बिरालोसँग १०० मिलियन डलर सम्पत्ति छ । नाला क्याटकाे पेट प्यारेन्ट्सले यसकाे नामबाट एक प्रिमियम क्याट फुड कम्पनी पनि सञ्चालन गर्छन् ।
स्विफ्ट टेलरको बिरालो पनि धनाढ्य
ओलिभिया चर्चित अमेरिकन गायिका टेलर स्विफ्टले पालेको बिरालो हो । यो बिरालोको आफ्नै कम्पनी छ । यसकासाथै यो बिरालोले अभिनय पनि गर्ने गरेको छ । गायिका टेलर स्विफ्टसँग ओलिभिया कैयौं गित तथा विज्ञापनमा देखिइसकेको छ । एक विज्ञापनमा अभिनय गर्नकालागि यो बिरालोले पारिश्रमिक राम्रै लिने गरेकाे छ । यो बिरालोको कुल सम्पत्ति ९७ मिलियन डलर रहेको छ ।
ओपराले दिइन् स्याडी, सनी, लरेन, लैला र ल्यूकको नाममा सम्पत्ति
अमेरिकाको लोकप्रिय कार्यक्रमका संचालक तथा अर्बपति ओपरा विन्फ्रीसँग पाँच कुकुरहरु छन् । स्याडि, सनी, लरेन, लैला र ल्यूक नाम गरेका यी कुकुरहरु प्रत्येकको नाममा ३० मिलियन डलर छ । ओपराले आफ्ना कुकुरहरुलाई उक्त रकम दिएकी हुन् । उनका अनुसार कुकुर बिनाका घर, पुस्तकालय जस्तो हुन्छन् ।
इन्स्टाग्राममा ९५ लाख फलोअर्सकासाथै सर्वाधिक कमाउने जिफपाम
पोमेरियन जातको जिफपाम कुनै सेलिब्रेटि भन्दा कम छैन । यस कुकुरको इन्स्टाग्राममा ९५ लाख फलोअर्सहरु छन् । यो विश्वकै सबैभन्दा धेरै कमाउने पेट इन्फ्लुयन्सर छन् । उसले एक इन्स्टाग्राम पोष्टकोलागि ४३ लाख २० हजार रुपैयाँभन्दा धेरै लिने गरेकाे छ। यस कुकुरको कुल सम्पत्ति २५ मिलियन डलर छ ।
एजेन्सी ।