सेन्सेक्सका ३० शेयरहरुमध्ये २२ शेयर घट्दा ८ शेयरमा वृद्धि भएको छ । अडानी समुहको कम्पनीका शेयरमा सर्वाधिक ठुलो गिरावट देखिएको छ । अडानी ट्रांसमिशन, अडानी टोटल गैस र अडानी ग्रीन एनर्जीकाे शेयर २० प्रतिशतले घटेको छ । अडानी इंटरप्राइजेज १८.३१ प्रतिशत, अडानी पोर्ट्स १५.२४ प्रतिशत, अडानी विल्मर र अडानी पावर ५ प्रतिशतले ओरालो लागेको छ। अडानी समुहले भरखर मात्र खरिद गरेका कम्पनीहरु अंबुजा सीमेन्ट १६.६७ प्रतिशत, एसीसी १२.२७ प्रतिशत र एनडिटिभीको शेयर ४.९९ प्रतिशतले घटेको छ ।
हिन्डेनबर्गको प्रतिवेदनले भारतीय शेयर बजारमा ठुलो झड्का लागेको हो ।प्रतिवेदनमा अडाणी समुहमाथि धोखादडी गरेको आरोप लगाइएको छ। जसले अडाणी ग्रुपको शेयरमा ठुलै धक्का लागेको छ। बुधवारदेखि शुक्रवारसम्म अडाणी ग्रुपको नेटवर्थ १० प्रतिशत भन्दा बढीले घटिसकेको अन्तर्राष्ट्रिय सञ्चार माध्यमले जनाएका छन्।
निफ्टी ५० को अडानी इंटरप्राइजेज, अडानी पोर्ट्स, एसबीआई, आईसीआईसीआई बैंक, इंडसइंड बैंक,ओएनजीसी र बपिीसीएल समेत ३७ शेयरहरुमा गिरावट देखिएको छ। यसैगरी, टाटा मोटर्स, बजाज अटो, डा. रेड्डी, आईटिसी, सिप्ला, डिविस लैब, अपोलो हॉस्पिटल समेत निफ्टी ५० के १२ शेयरमा वृद्धि देखिएको छ ।
