स्मार्टफोनकाे सफलतापछि साओमी अटो क्षेत्रमा प्रवेश, कस्तो छ उसले ल्याएको पहिलो विद्युतीय कार ?

Apr 03, 2024 04:34 PM Merolagani

चिनियाँ स्मार्टफोन उत्पादक कम्पनी साओमीले पहिलो विद्युतीय कार सार्वजनिक गर्यो । पूर्ण विद्युतीय रहेको यो गाडी सेडान सेगमेन्टमा ल्याएको छ ।

स्मार्टफोन उद्योगमा सफल भएपछि साओमीको अटो क्षेत्रमा गरेको प्रवेशलाई अर्थपूर्ण रुपमा हेरिएको छ । पछिल्लो समय संसार भर नै इभिको माग बढ्दै गएको छ । अझ चिनियाँ बजार इभी उत्पादनमा आक्रामक छ ।

साओमीले ल्याएको एसयू सेभेन ईभी ४९ सय ९७ एमएम लामो, १९ सय ६३ एमएम चौडा र १४ सय ५५ एमएम अग्लो रहेको कम्पनीले जनाएको छ ।

साओमी एसयू सेभेन स्ट्यान्डर्ड, प्रो र म्याक्स गरी तीन भेरियन्टमा उपलब्ध छ। स्ट्यान्डर्डमा ७३.६ किलोवाट आवरको बीवाईडी निर्मित एलएफपी ब्लेड ब्याट्री प्रयोग गरिएको छ जसले एक पटकको फुल चार्जमा ७ सय किलोमिटर रेन्ज दिने कम्पनीको दाबी छ ।

 

त्यस्तै प्रो मोडलमा ९४.४ किलोवाट आवरको सीएटीएलको ब्याट्री दिइएको छ । यसले एक पटकको फुल चार्जमा ८ सय ३० किलोमिटर रेन्ज दिनेछ।

त्यस्तै म्याक्समा १ सय १ किलोवाट आवरको ब्याट्री प्याक रहेको छ। डुवल मोटर रहेको यो कारले ६ सय ६३ एचपी पावर दिन्छ। यसले एक पटकको फुल चार्जमा ८ सय किलोमिटर रेन्ज दिने बताइएको छ ।

साओमी एसयू सेभेनलाई टेस्ला मोडल थ्रीको कडा प्रतिस्पर्धीका रुपमा लिइएको छ। तीन भेरियन्टमा उपलब्ध एसयू सेभेनको सुरुवाती मूल्य २ लाख १५ हजार ९ सय युआन तोकिएको छ।

comments powered by Disqus

नयाँ ब्रोकर कमिशन आजदेखि लागू हुने

May 14, 2024 09:07 AM

जेठ १ गते (आज) देखि नयाँ ब्रोकर कमिसन दर लागू हुँदैछ। नेपाल धितोपत्र बोर्डले धितोपत्र व्यवसायी (धितोपत्र दलाल तथा धितोपत्र व्यापारी) नियमावली, २०६४ को अनुसूची १४ मा गरेको हेरफेर अनुसार आजदेखि नयाँ ब्रोकर कमिशन लागू हुने भएको हो।