मर्जमा जानु भन्दा पहिले बैंकले आफ्नो नाम र लोगो परिवर्तन गर्ने भएको छ । गुड फर पेमेन्ट चेक प्रकरणपछि बैंकको छवीमा असर परेकाले नाम र लोगो परिवर्तनको प्रस्ताव गरिएको बुझिएको छ ।
केही समयअघि राष्ट्र बैंकबाट खटिएको ब्यवस्थापन समितिले बैंककै संस्थापकहरुलाई जिम्मेवारी हस्तान्तरण गरेर अन्तरिम ब्यवस्थापन समिति गठन गरिए पछि साधारणसभाको मिति तय गरिएको हो । राष्ट्र बैंकले सो बैंकको अवस्थामा संतोषजनक सुधार भएको भन्दै ब्यवस्थापन हस्तान्तरण गरेको थियो ।
झण्डै १ अर्ब रकम बराबरको गुड फर पेमेन्ट चेक काण्डमा कुलेश्वर शाखाका निरज नेपाल मार्फत भएको घोटालामा संलग्न भएको आरोपमा तत्कालीन प्रमुख कार्यकारी र संचालक समितिलाई राष्ट्र बैंकले बर्खास्त गरेको थियो ।
९० करोड चुक्ता पूँजी रहेको बैंकको जगेडा कोष अझै ऋणात्मक छ भने बैंकले गुड फर पेमेन्ट काण्डबाट पार पाउन आबश्यक रकमको जोहो गरिसकेको छ ।
