यस आर्थिक बर्षको दोस्रो त्रैमासमा बैंकले ६४ करोड ४६ लाख ८६ हजार खुद नाफा कमाएको छ, जुन रकम अघिल्लो आर्थिक वर्षको यही अवधिको तुलनामा १ करोड १३ लाख ७५ हजारले मात्र बढी हो । अघिल्लो आर्थिक वर्षको यही अवधिमा बैंकले ६३ करोड ३३ लाख ११ हजार खुद नाफा आर्जन गरेको थियो ।
यस बर्षको दोस्रो त्रैमासमा गत बर्षको सोही अवधिको तुलनामा बैंकको ब्याज आम्दानी पाँच र संचालन नाफा सात प्रतिशतले घटेको छ । बैंकको विदेशी मुद्राको कारोबारबाट हुने आम्दानी पनि घटेको छ । शुल्क, कमिशन, र अन्य संचालन कृयाकलापबाट भएको आम्दानी र निस्क्रिय कर्जा अनुपात घटाई जोखिम ब्यहोर्ने कोषबाट फिर्ता ल्याएको रकमले खुद नाफा झिनो रुपमा बढाउन आधार दिएको देखिएको छ ।
बैंकको निक्षेप र कर्जा विस्तार भने संतोषजक नै छ । अन्य प्रतिस्पर्धी बाणिज्य बैंकहरुले खुद नाफा राम्रो बढाईरहेको बेला स्टान्डर्ड चार्टर्डSCB चाही खुम्चिनु लगानीकर्ताका लागि राम्रो समाचार पक्कै हैन् ।
