चिलिमेले जलविद्युत बेचेर गत बर्षको दोस्रो त्रैमासको भन्दा चार करोड रुपैयाँ बढी कमाएको, अन्य र ब्याज आम्दानी बढेको. भए पनि प्रशासनिक खर्च २८ प्रतिशत बढ्न जाँदा खुद नाफामा असर परेको देखिएको छ । कम्पनीले गत आर्थिक बर्षको दोस्रो त्रैमासमा ५६ करोड ८३ लाख खुद नाफा गरेकोमा यस बर्षको सोही अवधिमा ५३ करोड ३२ लाख रुपैयाँ मात्र कमाँउन सकेको छ ।
कम्पनीले गत आर्थिक बर्षको खुद नाफाबाट बोनस शेयर दिएर पूँजी बढाएको तर खुद नाफा घटेकोले प्रति शेयर आम्दानीमा पनि नकारात्मक असर परेको छ । कम्पनीको प्रति शेयर आम्दानी ३९.१३ रुपैयाँ छ । गत बर्षको दोस्रो त्रैमासमा भन्दा यस बर्ष कम्पनीको शेयर मूल्य पनि घटेर एक हजार आठसय रुपैयाँको हाराहारीमा ओर्लिएको छ ।
यस बर्षको दोस्रो त्रैमासमा कम्पनीले राम्रो गर्न नसके पनि भविष्यमा राम्रो प्रगति गर्नसक्ने संभावना भने बलियो देखिन्छ ।